«Վաղվանից, թե ով որ քաղաքական ուժին կպաշտպանի արդեն իր խնդիրն է». 4/39 ընտրատեղամաս

Արաբկիր վարչական շրջանի թիվ 4/39 ընտրատեղամասում ժամը`17:10-ի դրությամբ արտահերթ խորհրդարանական ընտրությանը մասնակցել են մոտ 1611 ընտրողից 634-ը: Այս մասին «Իրավունքի» հետ զրույցում նշեց ընտրատեղամասի հանձնաժողովի նախագահ ՎԱԶԳԵՆ ՍԻՄՈՆՅԱՆԸ, որն, ի դեպ, հրաժարվեց պատասխանել, թե որ քաղաքական ուժն է ներկայացնում` ասելով. «Ոչ մի քաղաքական ուժ չենք ներկայացնում, անկուսակցական ենք այսօր: Հանձնաժողովի ոչ մի անդամներն այսօր ոչ մի քաղաքական ուժ չեն ներկայացնում, մենք ներկայացնում ենք պետությունը: Վաղվանից, թե ով որ քաղաքական ուժին կպաշտպանի արդեն իր խնդիրն է»:

Սիմոնյանը նաեւ շեշտեց, որ իրենց ընտրատեղամասում ընտրողները ակտիվ գալլիս են, նույնիսկ հերթեր են գոյանում. «Շատ լավ, հանգիստ ընթանում են ընտրությունները, այսպիսի ընտրություններ դեռ չեն տեղի ունեցել: Ոչ մի խնդիր չկա»:

Իսկ «Իմ քայլը» դաշինքի վստահված անձ ՀՌԻՓՍԻՄԵ ՅԱԶՉՅԱՆՆ ասաց, որ մինչ այս պահը ընդհանրապես որեւէ խնդիր չի նկատել. «Մի որոշ ժամանակ բացակայել եմ, ինքս գնացել եմ իմ քաղաքացիական պարտքը կատարելու Էրեբունի համայնքում եւ եկել եմ: Ասեմ, որ այնտեղ էլ, կարծես, ամեն ինչ նորմալ էր: Հույս ունեմ, որ անկախ ով ում է հավակնում բոլորի կողմից սպասված ընտրություններ էր»:

Հ. Յազչյանը նաեւ ասաց, որ եղել են մարդիկ, ովքեր իրոք օգնության կարիք են ունեցել, օրինակ, տեսողության խնդիրներ, որոնց խոշորացույց է տրամադրվել եւ սահմանված կարգով օգնություն:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝