Ինչն է միավորում Թրամփին, DJ Վակցինային եւ կառավարության աշխատակազմի ղեկավարին

Արխիվ 16-20 6 Օգոստոս, 2018 0:56

Ծննդյան պահին արեգակի եւ լուսնի միմյանց նկատմամբ ունեցած դիրքը ցույց է տալիս մեր մենտալ, հոգեկան ընդհանուր կերտվածքը։ Եթե Ձեր լուսինը կշեռքում է, իսկ արեգակը երկվորյակներում, ապա դուք բնորոշվում եք բանականության եւ զգացմունքների ներդաշնակությամբ, քանի որ կշեռքը եւ երկվորյակը օդի նշաններ են եւ միմյանց «լավ են հասկանում»։ Այս մասին տեղեկացնում է աստղաբան ԼԻԱՆԱ ՍԱԴՈՅԱՆԸ եւ հիշեցնում, որ կան մարդիկ, ովքեր ծնվում են լիալուսնին. «Ստացվում է, որ լուսինը 180 աստիճան է կազմում արեգակի նկատմամբ երկրի դիտարկման կետից: Անձը կարող է լինել համաստեղությամբ խոյ, մինչդեռ լուսինը գտնվի խոյի հակապատկեր Կշեռքում։ Լիալուսնին ծնված մարդիկ ունեն հակասական էություն, զգացմունքները եւ բանականությունը ներդաշնակ չեն։ Սիրտը մի բան է ուզում, միտքը՝ այլ։ Նման մարդիկ կյանքում գլոբալ կարեւորություն ունեցող ընտրությունների առաջ են կանգնում եւ միաժամանակ ցանկանում են իրար հակասող անհամատեղելի բաներ։ Տվյալ անձինք ունենում են տարբեր մասնագիտություններ եւ միմյանց հետ կապ չունեցող բազմաթիվ հետաքրքրություններ։ Էությունը, չնայած հակասական լինելուն, շատ հարուստ է»։

Աստաղաբանը նշում է, որ հայտնի մարդկանցից տվյալ ասպեկտի տակ ծնվել է Դոնալդ Թրամփը (համաստեղությամբ՝ երկվորյակ, լուսինը՝ աղեղնավոր). «Դոնալդը կազմակերպում էր գեղեցկության մրցույթներ, զբաղվում էր անշարժ գույքի բիզնեսով եւ հանկարծ որոշեց մտնել քաղաքականություն եւ դարձավ ԱՄՆ նախագահ։ Հայերից տվյալ ասպեկտի տակ ծնվել է Արուսիկ Մկրչյանը՝ նույն ինքը DJ Վակցինան, (արեգակը՝ այծեղջյուր, լուսինը՝ խեցգետին), ով նաեւ բժշկության ոլորտում է ակտիվ գործունեություն ծավալել եւ գործուն արձագանքում է սոցիալական խնդիրներին։ Հակադիր նշաններում առանց արեգակի եւ լուսնի միջեւ լարված ասպեկտի հնարավոր է ծնված լինի Էդուարդ Աղաջանյանը՝ DJ, ՀՀ կառավարության աշխատակազմի ղեկավարը, արեգակը՝ կույս, լուսինը՝ կամ ուշ Ձկներ կամ Վաղ խոյ, քանի որ տվյալ օրը լուսինը Ձնկերից Խոյ տեղափոխվելիս է եղել եւ այս դեպքում լուսնի նշանը հստակ որոշելու համար ծննդյան ժամն է հարկավոր։ Մայքլ Ջեքսոնը (արեգակը՝ կույս, լուսինը՝ ձուկ) եւ Շուշան Երիցյանը (արեգակը՝ կշեռք, լուսինը՝ խոյ) նույնպես ծնվել են լիալուսնին՝ արեգակի եւ լուսնի հակադրության ժամանակ։ Վերջիններիս դիլեման հստակ չեմ կարող ասել։ Տվյալ տիեզերական մարմինների հակադրությունից առաջացած լարվածությունը կարող է մի փոքր թուլանալ, եթե մարդու ծննդյան քարտեզում այլ մոլորակներ ներդաշնակ ասպեկտներ են կազմել արեգակի եւ լուսնի հետ», - մանրամասնում է Լ. Սադոյանը:

Հ.Գ.- Աստղագետի ուսումնասիրություններին առավել մանրամասն կարող եք ծանոթանալ այստեղ: