Թուրքիայում անչափահասների մասնակցությամբ պոռնոգրաֆիկ նյութերի տարածման համար ՀՀ 24-ամյա քաղաքացի է ձերբակալվել
Արխիվ 16-20Թուրքիայում ձերբակալվել է Հայաստանի Հանրապետության 24-ամյա քաղաքացի Մ.Մ.-ն՝ անչափահասների մասնակցությամբ պոռնոգրաֆիկ նյութերի ներբեռնման ու տարածման համար, այս մասին տեղեկացնում է թուրքական «Աքշամ» պարբերականը:
Կասկածյալն ուսանելիս է եղել Ստամբուլի պետական համալսարանի բժշկական ֆակուլտետում:
Թուրքական ոստիկանության հետ համագործակցել է ամերիկյան «Կորած և շահագործման ենթարկված երեխաների որոնման ազգային կենտրոն»-ը (NCMEC), որը տեղեկություն է հայտնել թուրք իրավապահներին առ այն, որ անչափահասների մասնակցությամբ պոռնոգրաֆիկ նյութեր են ներբեռնվել ԱՄՆ-ում գտնվող սերվերից: Ստամբուլի ոստիկանությունը պարզել է տվյալ համակարգչի IP հասցեն, որում ներբեռնվել են նյութերը։
Առայժմ հայտնի չէ՝ արդյոք 24-ամյա տղամարդն ընդունել է իրեն առաջադրված մեղադրանքը:
