Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

Մեսսին գնդակով հարվածել է մրցակցի դեմքին և դեղին քարտ ստացել

Սպորտ

«Ինտեր Մայամիի» ավագ Լիոնել Մեսսին հայտնվել է վիճահարույց դրվագի կենտրոնում՝ MLS-ի փլեյ-օֆֆի առաջին խաղում «Կոլումբուս Քրյուից» կրած 0։3 հաշվով պարտության ժամանակ։

 

Միջադեպը տեղի է ունեցել առաջին խաղակեսի վերջնամասում, երբ «Ինտեր Մայամին» պարտվում էր 0։1 հաշվով և մնացել էր տասը ֆուտբոլիստով։ Մեսսին պատրաստվում էր արագ իրացնել նետումը, սակայն մրցակցի հարձակվող Գոնսալո Տապիան մոտեցել է նրան՝ խոչընդոտելով խաղի վերսկսմանը։ Արգենտինացին գնդակով հարվածել է Տապիայի դեմքին, ինչից հետո վերջինս ընկել է խոտածածկին։

 

Հանդիպման գլխավոր մրցավար Ալեն Չեփմենը դեղին քարտ է ցույց տվել երկու ֆուտբոլիստներին էլ։ Խաղից հետո «Կոլումբուս Քրյուի» գլխավոր մարզիչ Լորան Կուրտուան դժգոհություն է հայտնել մրցավարության վերաբերյալ՝ պնդելով, որ Մեսսին պետք է հեռացվեր խաղադաշտից։

 

«Բոլորը գիտեն, որ նա պետք է ավելի խիստ պատժվեր, քան դեղին քարտն է։ Դա պարզապես շատ տխուր է»,— նշել է Կուրտուան։

 

Ավելի ուշ Չեփմենը պաշտպանել է իր որոշումը՝ բացատրելով, որ կիրառված ուժն աննշան է եղել, և դրվագը չի համապատասխանել բռնի վարքագծի համար սահմանված չափանիշներին։

 

Անհաջող դասավորված խաղում հաշիվը 9-րդ րոպեին 11-մետրանոցից բացել էր հենց Տապիան, իսկ 36-րդ րոպեին «Ինտեր Մայամիի» պաշտպան Գոնսալո Լուխանը երկրորդ դեղին քարտն էր ստացել ու հեռացվել։ Երկրորդ խաղակեսում «Կոլումբուսը» զարգացրել է հաջողությունը․ 52-րդ րոպեին աչքի է ընկել Տահա Հաբրունը, իսկ 58-րդ րոպեին Տապիան ձևակերպել է դուբլ։

 

Այս հաղթանակով «Կոլումբուս Քրյուն» առաջ է անցել փլեյ-օֆֆի դիմակայությունում (մինչև երկու հաղթանակ)։ Շարքի երկրորդ հանդիպումը կկայանա նոյեմբերի 27-ին՝ Կոլումբուսում։ Սեփական հարկի տակ հաղթելու դեպքում տանտերերը կապահովեն հաջորդ փուլի ուղեգիրը, իսկ MLS-ի գործող չեմպիոն «Ինտեր Մայամիին» պայքարը շարունակելու համար անհրաժեշտ է միայն հաղթանակ։

 

Հավելենք, որ հանդիպումից առաջ Լիոնել Մեսսիին էր հանձնվել MLS-ի կանոնավոր առաջնության «Ոսկե խաղակոշիկը»․ արգենտինացին երկրորդ տարին անընդմեջ դարձել էր մրցաշարի լավագույն ռմբարկու՝ խփելով 26 գոլ։

 

Armsport

Հավանեցի՞ր հոդվածը, կիսվիր ընկերներիդ հետ