Խցանման մեջ մնալիս մեծ աղմուկ բարձրացրեք, որ ձայնը հասնի նրանց, որոնք պարտավոր են ուղեղներն աշխատացնել. Աննա Հակոբյան (տեսանյութ) Հայտնի է ՀՀ ժողովրդական արտիստ Նորայր Մեհրաբյանի հոգեհանգստի օրն ու վայրը Հանրապետությունում սպասվում է առանց տեղումների եղանակ ԱԺ նիստ՝ ուղիղ Լույս չի լինի Նոյեմբերի 16. Օրվա խոսք «Ջարդ» ու իրական санта-секрет. Ինչ է սպասվում Կառավարությունում Ուկրաինայի հետ սահմանին գտնվող բելառուսական զորքերը բերվել են լիակատար մարտական ​​պատրաստության Էստոնիայի իշխանությունները պատրաստվում են ռուսական օկուպացիայի. Politico Ֆրանսիան գաղտնի զորքեր է տեղակայել Ուկրաինայում՝ Լեհաստանում առաքելությունների քողի տակ

Ալբերտ Հովհաննիսյանի հիշատակին նվիրված անկյան հարցը կքննարկվի նրա հոր հետ

Վաղը Տիգրան Ավինյանը հանդիպելու է մեր անմահ հերոս Ալբերտ Հովհաննիսյանի հոր հետ։ Այս մասին  ֆեյսբուքյան իր էջում գրել է Երևանի քաղաքապետ Տիգրան Ավինյանի մամուլի խոսնակ Ջուլիետա Ազարյանը։

«Հիշո՞ւմ եք՝ երկու ամիս առաջ, երբ «Հաղթանակ» զբոսայգու պատից հեռացվեց մեր հերոս Ալբերտի լուսանկարը՝ տարածքի բարեկարգման աշխատանքներով պայմանավորված, ինչպիսի աղմուկ բարձրացրին տարբեր շրջանակներ՝ փորձելով շահարկել այս չափազանց զգայուն թեման։ Ընդ որում՝ առանց անգամ մտածելու, թե ինչ հույզեր ու ապրումներ կարող են ունենալ հերոսի ծնողներն ու հարազատները։

Ի տխրություն այդ շրջանակների՝ տեղեկացնեմ, որ վաղը Երևանի քաղաքապետը հանդիպելու է մեր հերոսի հոր հետ՝ քննարկելու և վերջնական համաձայնության բերելու Ալբերտի հիշատակին նվիրված անկյան ձևն ու տեսքը։ Տարածքի բարեկարգման աշխատանքներն արդեն ավարտված են։

Իսկ Գառնիկ Դանիելյանին խորհուրդ կտամ շարունակել Երևանի փողոցներում չափչփել ու, ինչպես ինքն է ասում, մերժել «Ալիևյան սահմանադրությունը»։ Իսկ պարապ ժամերին՝ չխոսել այնպիսի բաների մասին, որոնք գոյություն չունեն։

Որովհետև հերոսների հիշատակը շահարկման թեմա չէ»,-գրել է Ազարյանը։

 

Հավանեցի՞ր հոդվածը, կիսվիր ընկերներիդ հետ