Ռուսաստանը բարելավել է «Իսկանդեր» հրթիռների ճշգրտությունը մինչև մի քանի մետրի սահմաններում. The Telegraph
Միջազգային
Ռուսաստանը բարելավել է «Իսկանդեր» հրթիռների ճշգրտությունը մինչև մի քանի մետրի սահմաններում. արդիականացված հրթիռները շրջանցում են ուկրաինական էլեկտրոնային պատերազմի համակարգերը, հայտնում է The Telegraph-ը:
Ըստ բրիտանական հրատարակության՝ ռուսական «Իսկանդեր» բալիստիկ հրթիռները ստացել են բարելավված օպտիկական և ռադարային ուղղորդման գլխիկներ, որոնք թույլ են տալիս ճշգրտել հետագիծը թռիչքի վերջին փուլերում։
Նոր համակարգերը սկանավորում են տեղանքը թիրախին հարվածելուց անմիջապես առաջ՝ բարձրացնելով հարվածի ճշգրտությունը մինչև մի քանի մետրի սահմաններում և նվազեցնելով ուկրաինական էլեկտրոնային պատերազմի համակարգերի արդյունավետությունը։
Բեռլինի Հերտիե դպրոցի ռազմական ռազմավարության պրոֆեսոր Մաուրո Ջիլլին նշել է, որ նախկինում բալիստիկ հրթիռների հետ կապված խնդիրներից մեկը թռիչքի վերջին փուլերում թիրախներին հարվածելու սխալն էր։ Այժմ, ըստ նրա, իրավիճակը փոխվել է։
The Telegraph-ը հրթիռների արդիականացումը կապում է Կիևի կամուրջների վրա ռուսական հարվածների հետ։ Սակայն փորձագետը խոստովանում է, որ խոշոր կամուրջային կառույցների լիակատար ոչնչացումը չափազանց դժվար է դրանց կառույցների ամրության պատճառով։ Հրատարակությունը նաև պնդում է, որ Ռուսաստանը ձգտում է «կղզիացնել» ուկրաինական էլեկտրացանցը՝ բաժանելով միասնական ցանցը մեկուսացված հատվածների, ինչը դժվարացնում է էլեկտրաէներգիայի փոխանցումը դրանց միջև։
Թերթի տվյալներով՝ իրավիճակը հատկապես ծանր է Կիևի ձախ ափին, որտեղ որոշ բնակիչներ օրական ստանում են ընդամենը երկու ժամ էլեկտրաէներգիա և ունենում են ջեռուցման և ջրամատակարարման խափանումներ։ Էլեկտրաէներգիայի ցանցի խափանումները նաև բարդացնում են ուկրաինական արդյունաբերության, այդ թվում՝ ռազմական օբյեկտների գործունեությունը։
Ուկրաինական ԳՌՈՒ-ն զգուշացրել, որ Ռուսաստանը պատրաստվում է ոչնչացնել Ուկրաինայի գազամատակարարման համակարգը
«Նոր Յալթա» առանց Եվրոպայի. ԱՄՆ-ն, Ռուսաստանը և Չինաստանը որոշում են, թե ով է լինելու ճաշասեղանի մոտ
Ռուսաստանը առաջարկել է ՆԱՏՕ-ին վերադառնալ 1997 թվականի պայմաններին և հրաժարվել հետագա ընդլայնումից. The New York Times
Ռուսաստանը սկսել է «Բանդերոլ» հրթիռներն արձակեկ ցամաքային հարթակներից
1
4580 դիտում
2
2837 դիտում
3
2595 դիտում
4
2511 դիտում
5
1576 դիտում
1
31645 դիտում
2
19833 դիտում
3
13890 դիտում
4
7171 դիտում
5
5078 դիտում
4
11626 դիտում
5
11562 դիտում
