Մեծ տհաճություն զգացի, որ նման բան է հայտնվում համացանցում․ Աբգարյան
Հասարակություն
«Իրավունք»-ը Երեւանի ավագանու «Ազգային առաջընթաց» խմբակցություն անդամ ԻԶԱԲԵԼԼԱ ԱԲԳԱՐՅԱՆԻ հետ զրուցել է վերջերս համացանցում տարածված՝ երաժշտական դպրոցի՝ թմանյութանման ինչ-որ բան ծխող տնօրենի մասին։
— Համարում եմ, որ դա շատ արատավոր երեւույթ է։ Ցանկացած բան, որը մարդուն ստիպում է կորցնել ինքնատիրապետումը՝ լինի դա թմրանյութ, խոտ, թե՝ ալկոհոլ, բնականաբար, շատ վատ վերաբերմունք եմ ցուցաբերում դրա նկատմամբ։ Ինքս միշտ պայքարում եմ դրա դեմ եւ լինելով դասախոս՝ ուսանողների շրջանում եւս քարոզում եմ առողջ ապրելակերպ։ Ուրախ եմ, որ շատերն արդեն սպորտով են զբաղվում։
Ինչ վերաբերում է հենց տվյալ տեսանյութին, ճիշտն ասած՝ մեծ տհաճություն զգացի, որ նման բան է հայտնվում համացանցում՝ նախկին ամուսնու կողմից նկարահանված։ Ինքնին երեւույթը շատ տգեղ էր, որովհետեւ թե՛ հանգամանքները, թե՛ երբ է տեղի ունեցել, թե՛ ում հետ է տեղի ունեցել, շատ անձնական են եւ վերաբերում են մարդու անձնական կյանքի տիրույթին։ Ես չեմ կարող դատողություն անել, թե իրականում այդքան տարի առաջ ինչ է տեղի ունեցել։ Տեսնում եմ, որ արդեն սկսել են նրան թմրամոլ անվանել։ Ես չէի շտապի նման գնահատականներ տալ, որովհետեւ գուցե հենց ամուսինն է միտումնավոր նման բան արել եւ նկարահանել։ Այլոց ընտանիքը մութ անտառ է։
Ամեն դեպքում, մանկավարժական խորհուրդը, որքան գիտեմ, նաեւ ծնողական խորհուրդն է հարցը քննարկման դնելու։ Եվ ճիշտ կլիներ, ըստ իս, որ նա թեստավորում անցներ՝ մազերի հետազոտություն, որպեսզի պարզվեր՝ արդյոք հիմա օգտագործո՞ւմ է, թե՞ ոչ։ Դա նաեւ իր համար կլիներ հնարավորություն՝ արդարանալու եւ ցույց տալու, որ նման բան չկա։
ՆԱՆԱ ՍԱՐԳՍՅԱՆ
Սահմանադրական հանրաքվեի թե՛ «այո»-ն, թե՛ «ոչ»-ը խիստ վտանգավոր են Հայաստանի համար․ Սուրենյանց
Փողոցներում շրջող ընդդիմադիրներն ինչո՞ւ ուղիղ չեն ասում՝ այսօր կո՞ղմ են ԼՂ-ի հայաստանին միացնելուն
Գազի ձմեռ պապ աշխարհում չգտնվեց
Հաջորդը լինելու է Ստամբուլյան կոնվենցիան․ Հայկ Այվազյան
1
13760 դիտում
2
7038 դիտում
3
3832 դիտում
4
3374 դիտում
5
3261 դիտում
1
31598 դիտում
2
19797 դիտում
5
5046 դիտում
4
11599 դիտում
5
11538 դիտում
