Որ ուժերն են մասնակցում Կարապետյանի տան հավաքին

4 Նոյեմբեր, 2026 23:02

Ընդդիմադիր քաղաքական գործիչների մասնակցությամբ հանդիպում է տեղի ունենում «Ուժեղ Հայաստան» կուսակցության առաջնորդ Սամվել Կարապետյանի տանը։

Հանդիպմանը ներկա են հետևյալ քաղաքական ուժերի ներկայացուցիչները՝ «Հայաստան» դաշինք, «Հայաքվե», «Ապրելու երկիր», «Բարգավաճ Հայաստան», «Հայաստանի Հանրապետական կուսակցություն», «Հայ ազգային կոնգրես», «Ժառանգություն», «Միասին», «Դեմոկրատական այլընտրանք», «Նոր դարաշրջան», «Միավորված հայեր»։

Դիմելով քննարկման մասնակիցներին՝ ԱԺ «Ուժեղ Հայաստան» խմբակցության ղեկավար Նարեկ Կարապետյանը նշել է․

«Այստեղ հավաքվել են հայկական քաղաքական դաշտի պատվարժան ներկայացուցիչներ։ Մենք գիտենք, որ հայկական քաղաքական դաշտը միշտ շատ բարդ է միավորվում, բայց այսօր, առերեսվելով մեր երկրի առջև ծառացած խնդիրներին, եկել ենք մի համոզմունքի, որ թեպետ ունենք շատ տարաձայնություններ, անցած տարբեր ճանապարհներ, բայց մի քանի կետերի շուրջ պետք է ունենանք վերջնական դիրքորոշում, որ կարողանանք էֆեկտիվ պայքարել մեզ պարտադրվող զիջումների դեմ»։

Քննարկումից հետո, ըստ ամենայնի, հանրությանը կներկայացվի ընդհանուր մոտեցում այն կետերի շուրջ, որոնք առանցքային են լինելու հետագա պայքարի համար։

Այս թեմայով