Կենսաթոշակների հետվճարի ծրագրի հնարավոր փոփոխություններ կլինեն
Հասարակություն
Կենսաթոշակների հետվճարի ծրագրի հնարավոր վերանայումները լինելու են միայն բարձրացման ուղղությամբ։ Լրագրողների հետ ճեպազրույցում այս մասին ասել է աշխատանքի և բարեկեցության նախարար Արսեն Թորոսյանը՝ անդրադառնալով ծրագրի հնարավոր դադարեցման վերաբերյալ հարցին։
Թորոսյանը պարզաբանել է, որ ծրագիրը կարգավորող կառավարության որոշումն ունի գործողության ժամկետ, և այժմ շրջանառվում է այն երկարաձգելու նախագիծը։
«Մենք հենց հիմա շրջանառում ենք այդ որոշումը առնվազն երեք տարով երկարացնելու որոշումը։ Այն պարզապես պետք է ունենա ժամկետ։ Եթե երեք տարի հետո որոշենք այնտեղ բաներ փոխել, դա լինելու է միայն բարձրացման ուղղությամբ»,– ասել է Թորոսյանը։
Նախարարի խոսքով՝ քննարկվում են նաև կենսաթոշակների բարձրացման տարբեր մոտեցումներ՝ հիմնական կենսաթոշակի ավելացման և հետվճարի գործիքի կիրառման հարաբերակցության տեսանկյունից։ Նա նշեց, որ հետվճարն ունի նաև անկանխիկ վճարումները խրախուսելու նշանակություն։
Անդրադառնալով ծրագրի շահառուներին՝ Թորոսյանը հայտնել է, որ հետվճարից օգտվողների թիվը հասել է 572 հազար 590-ի, իսկ ստացած հետվճարի միջին չափը կազմում է շուրջ 8200 դրամ։ Նրա խոսքով՝ ծրագրից օգտվողների թիվն ամեն ամիս ավելանում է։
Լրագրողները բարձրացրել են նաև առևտրի կետերում ՊՈՍ-տերմինալների հասանելիության հարցը։ Նախարարի գնահատմամբ՝ հետվճարի մեխանիզմն ինքնին պետք է խրախուսի խանութներին ապահովել անկանխիկ վճարելու հնարավորություն, քանի որ նման հնարավորություն ունեցող առևտրի կետերը մրցակցային առավելություն են ստանում։
Նշենք, որ կառավարությունը մտադիր է 2028 թվականից ներդնել կենսաթոշակների ինդեքսավորման մեխանիզմ՝ հաշվի առնելով գնաճը։ Դա նախատեսվում է իրականացնել կա՛մ հետվճարի համակարգի փոփոխության (բարձրացման), կա՛մ ուղղակի կենսաթոշակների ավելացման միջոցով, որպեսզի թոշակի միջին չափը ցածր չլինի նվազագույն սպառողական զամբյուղի արժեքից։
Ջրային սադիզմի եւ կոմունալ ցեղասպանության երեւանյան սինդրոմ
«Երևանում աշխատանքի գնալը վերածվել է սթրեսային փորձության»․ Սոնա Աղեկյան
Նոյեմբերի 2-7-ը «Զվարթնոց»-ում կգործեն չվերթերի իրականացման ժամային սահմանափակումներ
Ի՞նչ գույնով զարդարել 2027 թվականի տոնածառը հաջողության համար
1
2239 դիտում
2
1616 դիտում
3
1485 դիտում
4
1233 դիտում
5
1195 դիտում
1
4991 դիտում
2
4936 դիտում
3
4327 դիտում
4
4210 դիտում
5
4135 դիտում
1
31540 դիտում
2
19731 դիտում
3
11549 դիտում
4
11508 դիտում
5
10619 դիտում
