Երևանում կայացած COP17-ում շուրջ 50 որոշում է ընդունվել․ Մաթևոսյանն ամփոփել է արդյունքները
Տնտեսություն
Երևանում անցկացված ՄԱԿ-ի «Կենսաբանական բազմազանության մասին» կոնվենցիայի կողմերի 17-րդ համաժողովի շրջանակում ընդունվել է շուրջ 50 որոշում։ Այս մասին COP17-ի արդյունքներն ամփոփող մամուլի ասուլիսի ժամանակ նշեց анՄաթևոսյանը` հավելելով, որ ձեռք բերված արդյունքները գերազանցել են նախնական սպասելիքները։
«Խոսքը նաև այն հարցերի մասին է, որոնց հաստատմանն ու ընդունմանը երկար ժամանակ սպասում էին, որոնց ուղղությամբ բազմաթիվ փորձեր էին արվել, և որոնց վրա հսկայական ռեսուրսներ էին ծախսվել։ Պատկերացրեք՝ լիովին հնարավոր էր, որ այդ հարցերն այդպես էլ չհաստատվեին»,- ասաց Մաթևոսյանը։
Համաժողովի նախագահի խոսքով` աշխատանքների ընթացքում բազմաթիվ գործընթացներ են իրականացվել, որոնք տեսանելի չեն հանրությանը։ Մաթևոսյանը, անդրադառնալով կենսաբազմազանության պահպանությանն ու այդ ուղղությամբ ընդունված որոշումներին, նշեց, որ քննարկված բոլոր հարցերն այս կամ այն կերպ առնչվում են կենսաբազմազանությանը։
«Եթե քննարկում ենք բյուջետային հարցերը, որոնք, հավանաբար, հանրության համար ամենաքիչ հետաքրքրություն ներկայացնող թեմաներից են, միևնույն է, դրանք նույնպես ծառայում են կենսաբազմազանության պահպանության նպատակին։ Դրանք անհրաժեշտ են համապատասխան կառույցների արդյունավետ գործունեությունն ապահովելու համար»,- հավելեց նախարարը։
Նշենք նաև, որ COP17-ի եզրափակիչ լիագումար նիստում կողմերի գաղտնի քվեարկության արդյունքում Էկվադորի Հանրապետությունն ընտրվեց Կենսաբանական բազմազանության մասին կոնվենցիայի կողմերի 18-րդ համաժողովը՝ COP18-ը հյուրընկալող երկիր։
Հիշեցնենք, որ ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովը (COP17) անցկացվում էր Երևանում՝ հոկտեմբերի 19–30-ը։
Ucom-ը COP17-ում ներկայացրել է տեխնոլոգիաների դերը բնության պահպանության գործում
Բաքուն սպիտակ ֆոսֆոր կիրառեց Արցախում, COP17-ի հյուրե՛ր, բռնահանված արցախցիների վերադարձն ապահովե՛ք
Ես հայ եմ, ինձ համար պատիվ է Երևանում ելույթ ունենալը, հայ կանանց մասին պոեմ լսեք. COP17-ի մասնակից
COP17-ի կազմակերպչական ծառայությունների ձեռքբերման համար ՀՀ պետբյուջեում նախատեսվել է 18.5 մլրդ դրամ․ հայտարարություն
1
4906 դիտում
2
3544 դիտում
3
2286 դիտում
4
1972 դիտում
5
1819 դիտում
1
8575 դիտում
2
5765 դիտում
3
4908 դիտում
5
4307 դիտում
1
31519 դիտում
2
19691 դիտում
3
11507 դիտում
4
11470 դիտում
5
9334 դիտում
