Ուզում եք հարցը ջրել, ստեղծեք հանձնաժողով․ Հայկ Նահապետյան
ՆերքաղաքականՀայաստանյայց Առաքելական Սուրբ Եկեղեցու մի շարք հոգեւորականների գործունեության արդյունքում եկեղեցում առաջացած ճգնաժամի եւ դրա արդյունքում հայ ժողովրդի հոգեւոր կյանքում, նրա ազգային մշակույթի զարգացման եւ ազգային ինքնության պահպանման գործում Հայաստանյայց Առաքելական Սուրբ Եկեղեցու բացառիկ առաքելության չկատարման խնդիրներն ուսումնասիրող ԱԺ քննիչ հանձնաժողովն այս շաբաթ հրավիրած նիստում քվեարկությամբ հաստատել է աշխատակարգը։
Հանձնաժողովի նախագահ Արման Եղոյանը նիստի ընթացքում ներկայացրել է հանձնաժողովի աշխատակարգի հաստատման, նիստերի անցկացման (բաց կամ փակ), ժամկետների եւ հրավիրյալների մասնակցության հետ կապված հարցերը: Նրա խոսքով՝ հանձնաժողովն իրավունք ունի հրավիրել պետական պաշտոնյաների, մասնագետների եւ փորձագետների, իսկ փակ նիստերի ընթացքում ձեռք բերված տեղեկությունները եւ եզրակացությունները հրապարակվում են գործունեության ավարտին՝ օրենսդրությանը համապատասխան:
Անդրադառնալով վերոնշյալին՝ «Իրավունք»-ը զրուցել է ռազմական փորձագետ, պահեստազորի գնդապետ ՀԱՅԿ ՆԱՀԱՊԵՏՅԱՆԻ հետ։
— Կարծես թե, Նիկոլ Փաշինյանը հետ է քաշվում եկեղեցու դեմ արշավից։ Հոգեւորականների հետ կապված վերջին չորս, թե հինգ դատական գործընթացում իշխանությունը կամ նրանք, ովքեր եկեղեցուն դատի են տվել, պարտվել են։
Ինչ վերաբերում է Ձեր նշած հանձնաժողովին, ինչպես ասում են՝ ուզում եք հարցը ջրել, ստեղծեք հանձնաժողով։ Եթե դա էլ, իսկապես, ջրվեց, ուրեմն՝ Նիկոլ Փաշինյանը աշխարհաքաղաքական ուժերի հարաբերակցությունը առարկայապես գնահատել է եւ հասկացել, որ եկեղեցու դեմ սուր ճոճելն իր համար կարող է իշխանություն արժենա։
Եկեղեցու եւ Վեհափառի փոփոխության շահառուները մեկն Ադրբեջանն է՝ այն Ադրբեջանը, որը դեռեւս այս կամ այն ձեւով Մեծ Բրիտանիայի կառավարման ներքո է, բայց հիմա փոխվում է։ Մյուսը Թուրքիան է, որը դեռ Բրիտանիայի հետ է, եւ Վատիկանը, որը գլոբալիստական կառույց է։ Այս երեք շահառուներն այսօր պարտվող դաշտում են։
Փաստորեն, Փաշինյանը սա արձանագրել է եւ, ըստ այդմ, կարծում եմ՝ որոշակի հետեւություններ է անում։ Իսկ եթե, օրինակ, ուժերի հարաբերակցությունը փոխվեց եւ քնեցինք, զարթնեցինք, պարզեց, որ գլոբալիստները հաղթում են Միացյալ Նահանգներին եւ Ռուսաստանին, հաջորդ օրվանից Նիկոլը դառնալու է ամենաթունդ գլոբալիստներից մեկը։
ՀՐԱՆՏ ՍԱՐԱՖՅԱՆ
Նիկոլը գիտեր, որ պարտվել է խայտառակ ձեւով․ Հայկ Նահապետյան (ԱՆՈՆՍ)
ԱՄՆ-ն զգուշացրել է Պարսից ծոցի երկրներին Իրանի դեմ հնարավոր կարճատև, ինտենսիվ ռազմական արշավի մասին. The Wall Street Journal
Ինչու պարտվեց ընդդիմությունը և ինչ է սպասվում․ Հայկ Նահապետյան
Իտալիան դադարեցրել է Ուկրաինային տրամադրվող ռազմական օգնությունը մինչև ԱՄՆ ընտրությունները. La Repubblica
1
4890 դիտում
2
3544 դիտում
3
2230 դիտում
4
1919 դիտում
5
1790 դիտում
1
8565 դիտում
2
5747 դիտում
3
4898 դիտում
5
4301 դիտում
1
31514 դիտում
2
19691 դիտում
3
11507 դիտում
4
11470 դիտում
5
8972 դիտում
