Ադրբեջանում տեղի ունեցած վերջին անկարգությունները սրել են Բաքվի և Անկարայի հարաբերություններում առկա լարվածությունը
Հանդիպում
Ադրբեջանում շարունակվում են հիջաբ կրելու սահմանափակման դեմ բողոքի ցույցերը։ Իրավիճակը սրվեց այն բանից հետո, երբ երկրի կառավարությունը սահմանեց միասնական դպրոցական համազգեստ՝ փաստացի արգելելով աշակերտուհիներին և ուսուցիչներին հիջաբով ներկայանալ ուսումնական հաստատություններ։ Հաջորդ օրը գլխաշորով դպրոց եկած աղջիկներին թույլ չտվեցին ներս մտնել։
Ադրբեջանագետ Տաթեւի Հայրապետյանի գնահատմամբ.
- Ադրբեջանում տեղի ունեցած վերջին անկարգությունները սրել են Բաքվի և Անկարայի հարաբերություններում առկա լարվածությունը։ Խնդրի հիմքում Ադրբեջանի կապերն են Իսրայելի հետ: Հատկանշական էր այն դեպքը, երբ ՄԱԿ-ի Գլխավոր ասամբլեայում Ադրբեջանի պատվիրակությունը, ի տարբերություն Թուրքիայի պատվիրակության, չլքեց դահլիճը Իսրայելի վարչապետ Բենիամին Նեթանյահուի ելույթի ժամանակ։ Ավելի վաղ Էրդողանը ՄԱԿ-ի ամբիոնից հայտարարել էր, որ աշխարհում կան իսլամական երկրներ, որոնք, ցավոք, արգելում են աղջիկներին դպրոցներում գլխաշոր կրել՝ դա որակելով որպես իսլամաֆոբիայի դրսևորում:
Դրանից հետո Թուրքիայում իշխող կուսակցության վերահսկողության տակ գտնվող լրատվամիջոցները լայնածավալ հակաադրբեջանական արշավ են սկսել՝ Ալիևի վարչակազմին մեղադրելով ներքին սխալ քաղաքականություն վարելու մեջ։
Այնուհետև բողոքի ցույցեր են սկսվել Ադրբեջանում, որտեղ Թուրքիային բացահայտորեն մեղադրել են երկրի ներքին գործերին միջամտելու մեջ։ Թուրքիայում էլ ցույցեր են անցկացվում Ալիևի դեմ, իսկ թուրք պաշտոնյաները կոշտ հայտարարություններ են անում։ Դրանց թվում են նաև Էրդողանի մերձավոր խորհրդական Օքթայ Սարալի հայտարարությունները։
Ի պատասխան՝ «Ենի Ադերբեջան» իշխող կուսակցությունը պաշտոնական հայտարարություն է տարածել՝ Թուրքիայի իշխող կուսակցության պատգամավորների և Սարալի խոսքերը որակելով որպես պոպուլիստական և անպատասխանատու։ Ադրբեջանական կողմը հիշեցրել է «մեկ ազգ, երկու պետություն» ձևակերպումը՝ հատուկ ընդգծելով, որ խոսքը երկու անկախ պետությունների մասին է։ Այս ձևակերպումը որևէ կողմին իրավունք չի տալիս միջամտել մյուսի ներքին գործերին կամ պարտադրել սեփական գաղափարախոսությունը։
Այնուամենայնիվ, Ադրբեջանի դպրոցներում հիջաբ կրելու արգելքից հետո երկու երկրների միջև լարվածության աճի ֆոնին Թուրքիայի արտգործնախարար Հաքան Ֆիդանը մեկնել է Բաքու։ Նա ընդգծել է տարածաշրջանային երկխոսության և երկրների միջև վստահության ամրապնդման կարևորությունը։
Տաթևիկ Հայրապետյանը նշում է, որ ստեղծված իրավիճակը Հայաստանի համար հնարավորություն է բացում Անկարայի հետ ուղիղ երկխոսության համար․
- Բնականաբար, նման հեռանկարներ կան։ Հայաստանը և Թուրքիան կապեր են պահպանում։ Հիմնական հարցն այն է, թե որքանով են իշխանությունները պատրաստ օգտվելու այդ հնարավորություններից։ Սակայն այս պահին Թուրքիայի կողմից որևէ հայտարարություն չկա, որը հիմք կտար ենթադրելու, որ սահմանը մոտ ապագայում կբացվի։ Կարծում եմ՝ Թուրքիան կարող է պարզապես այս հարցն օգտագործել Ադրբեջանի վրա ճնշում գործադրելու համար և փորձել ստիպել Բաքվին կատարել իր ուզած քայլերը։ Հետևաբար, չեմ կարծում, որ սահմանը կհասնի բացման փուլին:
Մասկը «Ուկրաինայում պատերազմը մինչև վերջին ուկրաինացին» շարունակելու կողմնակիցներին անվանել է «մարդկության թափթփուկ»
Երևան–Աշտարակ ավտոճանապարհին տեղի ունեցած ավտովթարից տուժած 5 երեխաներից 3-ի առողջական վիճակը գնահատվում է ծայրահեղ ծանր, երկուսինը` միջին ծանրության. ԱՆ
Թել Ավիվում տեղի ունեցան մասշտաբային բողոքի ցույցեր Նեթանյահուի դեմ
Reuters. ՌԴ-ի, ԱՄՆ-ի և Ուկրաինայի միջև բանակցությունների նոր փուլ կարող է տեղի ունենալ առաջիկա երկու շաբաթում
1
3867 դիտում
2
3280 դիտում
3
2462 դիտում
4
1958 դիտում
5
1834 դիտում
1
11479 դիտում
2
8537 դիտում
3
5704 դիտում
4
4863 դիտում
5
4239 դիտում
1
31475 դիտում
2
19631 դիտում
3
17770 դիտում
5
11432 դիտում
