Մասկը մեղադրեց Ուկրաինային Starlink-ի կանոնները խախտելու մեջ
Միջազգային
Մասկը մեղադրեց Ուկրաինային Starlink-ի կանոնները խախտելու մեջ և հայտարարեց, որ առանց իր համակարգի Ուկրաինայի զինված ուժերի առաջնագիծը կփլուզվի։
Միլիարդատիրոջ խոսքով՝ Ուկրաինան օգտագործել է քաղաքացիական Starlink արբանյակային կապը հարձակողական անօդաչու թռչող սարքերի հարվածների համար, ինչը խախտում է համակարգի օգտագործման պայմանները։ Այս հնարավորությունը արգելափակվել է անցյալ շաբաթ։
«Starlink-ի օգտագործումը հարձակողական անօդաչու թռչող սարքերի հարվածների համար՝ մարդկանց սպանելու համար, երբեք լիազորված չի եղել և երբեք չպետք է լիազորված լինի», - գրել է Մասկը։
Նա նաև ընդգծեց, որ ռազմական Starshield համակարգը գտնվում է ԱՄՆ կառավարության վերահսկողության տակ, որն ինքնուրույն է որոշում դրա օգտագործումը։
Մասկը նաև նշել է ուկրաինական բանակի կրիտիկական կախվածությունը արբանյակային կապից. «Եթե Starlink-ը անջատվի, ուկրաինական առաջնագիծը անմիջապես կփլուզվի։ Սա սպառնալիք չէ, այլ պարզապես փաստի արձանագրում»։
Նրա խոսքով՝ SpaceX-ը ավելին է արել Ուկրաինայի պաշտպանության համար, քան որևէ այլ մասնավոր ընկերություն, բայց դա չի նշանակում, որ այն համաձայն է շարունակական ռազմական գործողությունների հետ։
Եզրափակելով՝ Մասկը կտրուկ քննադատեց նրանց, ովքեր կողմ են հակամարտության երկարաձգմանը. «Ես միայն լիակատար արհամարհանք ունեմ կեղծավոր, չար պատերազմ հրահրողների նկատմամբ, ովքեր կողմ են անվերջ կոտորածին և չեն առաջարկում հակամարտության իրատեսական լուծում: Այրվեք դժոխքում»:
Կիեւն արդարանում է՝ պատասծխանելով, որ ցանկության դեպքում անգամ չէր կարող քաղաքացիական «Starlink»-ն օգտագործել հեռահար հարվածների համար, քանի որ այն Ռուսաստանի տարածքում չի գործում, սակայն դա բան չի փոխում: Այն պարզ պատճառով, որ «Starlink»-ի օգտագործել-չօգտագործելը քաղաքական որոշում է, այսինքն ինչպես Մասկի խաղաղասիրական մեղադրանքները, այնպես էլ՝ Կիեւի պատասխան արդարացումներն ընդամենը շոուի մասն են:
Թրամփը նաեւ Ուկրաինային է սպառնում պատժամիջոցներով, եթե պատերազմը չդադարի
Դուբայի օդանավակայանը կրկին քաոսի մեջ է, հազարավոր մարդիկ շտապում են լքել քաղաքը
Եվրոպան կարող է կտրուկ կրճատել Ուկրաինային ցուցաբերվող աջակցությունը արդեն 2027թ.-ին. The Guardian
ԲԱՑԱՌԻԿ. Ինչը երբեք չի ների եւ ինչ պատգամ է ստացել ծնողներից Առուշ Առուշանյանը, որով առաջնորդվում է մինչ օրս
1
3769 դիտում
2
2980 դիտում
3
2602 դիտում
4
2332 դիտում
5
1911 դիտում
1
11479 դիտում
2
8520 դիտում
3
5704 դիտում
4
4858 դիտում
5
4239 դիտում
1
31475 դիտում
2
19592 դիտում
3
17770 դիտում
5
11432 դիտում
