ԵՄ երկրները քննարկում են ՌԴ-ի հետ ուկրաինական կարգավորման շուրջ բանակցողի թեկնածությունը. Politico
Եվրոպայում Ռուսաստանի հետ ուկրաինական կարգավորման շուրջ բանակցող ընտրելու հարցն առավել հրատապ է դարձել այն բանից հետո, երբ ԱՄՆ նախագահի հատուկ բանագնաց Սթիվ Ուիթքոֆը Սանկտ Պետերբուրգ մեկնեց ՌԴ նախագահ Վլադիմիր Պուտինի հետ հանդիպելու համար։ «Արմենպրես»-ի փոխանցմամբ՝ այս մասին գրում է Politico-ն։
Հրատարակության տվյալներով՝ դիվանագետները և պաշտոնյաները տարբեր կարծիքներ ունեն այն հարցում, թե ով լավագույնս կներկայացնի Եվրոպան։
Թերթի զրուցակիցներից մեկը հայտնել է, որ այդպիսի բանակցողի դերում կարող է հանդես գալ Ֆինլանդիայի նախագահ Ալեքսանդր Ստուբը։
«Ստուբը հետաքրքրություն է ներկայացնում այն պատճառով, որ ֆինները լավատեղյակ են Ռուսաստանից և ավանդաբար երկխոսություն են վարում նրա հետ», – հրատարակությանն ասել է եվրոպացի դիվանագետը։
Եվրամիության մեկ այլ դիվանագետի խոսքով՝ Ստուբը «միակ մարդն է, որը մինչև այժմ նախաձեռնողականություն է ցուցաբերել»՝ դրսևորելով բարձր մակարդակի քաղաքական առաջնորդություն, և կարող է դառնալ եվրոպական բանագնացը խաղաղության շուրջ ապագա գագաթնաժողովում։
Թերթի մյուս զրուցակիցների կարծիքով՝ Ռուսաստանի հետ բանակցությունները պետք է վարի Եվրոպական խորհրդի նախագահ Անտոնիու Կոշտան։
Եվրոպացի դիվանագետներից մեկը կարծիք է հայտնել, որ Կոշտան ավելի լավ ընտրություն կլիներ, քան Եվրոպական հանձնաժողովի նախագահ Ուրսուլա ֆոն դեր Լայենը կամ ԵՄ արտաքին քաղաքականության ղեկավար Կայա Կալասը, որոնք, ըստ նրա, չափազանց կապված են ուկրաինական կողմի հետ, որպեսզի արդյունավետորեն ներկայացնեն ԵՄ-ն առաջնորդների մակարդակում։
Հրատարակության զրուցակիցների մեկը նշել է, որ ընտրությունը, թե ով, ի վերջո, կներկայացնի ԵՄ-ն, հիմնված է լինելու այն բանի վրա, թե ինչն առավել մեծ օգուտ կբերի։
Ուկրաինան կարող է մնալ առանց ամերիկյան հետախուզության եւ Starlink–ի. Politico
Եվրոպային այս ձմռանը սպասում է գազի դեֆիցիտ և կոմունալ ծառայությունների կտրուկ աճ. Politico
Մերցը պաշտոնաթողության եզրին է՝ ընդամենը 16 ամիս իշխանության գալուց հետո. POLITICO
1
2314 դիտում
2
1818 դիտում
3
1804 դիտում
4
1668 դիտում
5
1591 դիտում
1
31475 դիտում
2
11474 դիտում
3
8512 դիտում
4
5699 դիտում
5
4852 դիտում
2
19592 դիտում
3
17770 դիտում
5
11417 դիտում
