Լաչակս գլխիդ․ ԸՆԿԵՐ ՓԱՆՋՈՒՆԻ

Ընկեր Փանջունի 16 Հոկտեմբեր, 2026 21:40

ՀԱՄԱՐՅԱ ՏԵՑ-Ի ԿՌՈՒԳ

(ՀԵՏՈ ԿՈՐՈՇԵՆՔ՝ ԱՄՈՒՍՆԱՆՈՒՄ ԵՆՔ, ԹԵ` ՈՉ. ԱՐԱՐԱՏ ՄԻՐԶՈՅԱՆԻ` ԵՄ–Ի ՀԵՏ ՀԱՐԱԲԵՐՈՒԹՅՈՒՆՆԵՐԻ ՄԱՍԻՆ ԱՐԱԾ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Ամուսնական ակտերի գրանցման գրասենյակից հայտնում են, որ քանի Ռուսաստան- Հայաստան ամուսնական գրանցումը չի չեղարկել ԵՄ-ի հետ, Նիկոլը կարող է միայն արտաամուսնական կապ ունենալ։

ԺՈՂՈՎՐԴԻ ՏՐՏՈՒՆՋԸ

(ՄԱԿ-Ի ԳԼԽԱՎՈՐ ՔԱՐՏՈՒՂԱՐ ԱՆՏՈՆԻՈ ԳՈՒՏԵՐԵՇԻ` COP-17-Ի ՇՐՋԱՆԱԿՆԵՐՈՒՄ ՀԱՅԱՍՏԱՆ ԱՅՑԵԼԵԼՈՒ ԿԱՊԱԿՑՈՒԹՅԱՄԲ)

Իբր մեր բնության հերը անիծող էշերը քիչ էին, մի հատ էլ ՄԱԿ-ի գուտերէշն ա գալիս ։

ПОСТОЙ, ПАРОВОЗ, НЕ СТУЧИТЕ, КОЛЕСА

(«ՆԻԿՈԼ ՓԱՇԻՆՅԱՆԻ ԵՐԳԸ` ՌՈՒՍԱԿԱՆ ԵՐԿԱԹՈՒՂԻՆԵՐԻ» ՂԵԿԱՎԱՐԻ ՀԵՏ ՀԱՆԴԻՊՈՒՄԻՑ ՀԵՏՈ)

Меня засосала опасная Европа

И жизнь моя - вечная игра.

ԱՐՅՈՒՆ- ՔՐՏԻՆՔՈՎ Է ՎԱՍՏԱԿԵԼ

(ԴԱՏԱԽԱԶՈՒԹՅԱՆ ԿՈՂՄԻՑ ՊԱՏԳԱՄԱՎՈՐ ԱՂՎԱՆ ՎԱՐԴԱՆՅԱՆԻՑ ՇՈՒՐՋ 235 ՄԼՆ ԴՐԱՄ ԵՎ ԱՆՇԱՐԺ ԳՈՒՅՔԵՐ ԲՌՆԱԳԱՆՁԵԼՈՒ ՎԵՐԱԲԵՐՅԱԼ ՀԱՅՑԱԴԻՄՈՒՄԸ ՎԱՐՈՒՅԹ ԸՆԴՈՒՆԵԼՈՒ ԿԱՊԱԿՑՈՒԹՅԱՄԲ)

Չար լեզուների ասոցիացիայից հայտնում են, որ Աղվան Վարդանյանի ունեցվածքը ապօրինի չէ, նա այն վաստակել է` սոցապնախարար եղած ժամանակ որբերի գլուխները խուզելով։

ԳՈՒԳՈՅԻ ԵՐԳԸ

(ԳՈՒՐԳԵՆ ԱՐՍԵՆՅԱՆԻ ԿՈՂՄԻՑ` ՄԱՆԿԱՊԱՐՏԵԶԻ ՇԵՆՔԸ ՍԵՓԱԿԱՆԱՑՆԵԼՈՒ ԳՈՐԾԸՆԹԱՑԸ ԱՊՕՐԻՆԻ ՃԱՆԱՉԵԼՈՒ ԿԱՊԱԿՑՈՒԹՅԱՄԲ)

Առավոտյան վաղ արթնանում ու գնում եմ մանկապարտեզ։

ԻՐԱՎԻՃԱԿ

(ԱԴՐԲԵՋԱՆՑԻ ԿԱՆԱՅՔ ԻԼՀԱՄ ԱԼԻԵՎԻՆ ՀԻՋԱԲ ԿՐԵԼԸ ԱՐԳԵԼԵԼՈՒ ԿԱՊԱԿՑՈՒԹՅԱՄԲ)

Լաչակս գլխիդ։

ՀԱՄԱՐՅԱ ՑԼԱՄԱՐՏ

(«ՈՒԺԵՂ ՀԱՅԱՍՏԱՆ» ԿՈՒՍԱԿՑՈՒԹՅՈՒՆԸ ՈՐՈՇ ԸՆԴԴԻՄԱԴԻՐՆԵՐԻ ՀԵՏ ՀԱՄԱԳՈՐԾԱԿՑԵԼՈՒ ԵՎ ՆՐԱՆՑ ԻՍԿԱԿԱՆ ԸՆԴԴՄՈՒԹՅՈՒՆ ՀԱՄԱՐԵԼՈՒ ԿԱՊԱԿՑՈՒԹՅԱՄԲ)

Ըստ COP-17-ի միջազգային բնապահպանների, իսկական ընդդիմադիրները կազմված են նաեւ որձ կովերից եւ կովերի ամուսիններից։

Այս թեմայով