Անկլավների մասին խոսելիս միշտ պետք է մտապահենք, որ անկլավների իրավական հիմքի վերաբերյալ դեռևս տեղեկություններ չունենք. Քարտեզագիր
Հանդիպում
Անկլավ-էքսկլավների հարցը լուծվելու է տարածքների փոխանակմամբ. «Սահմանի այս ու այն կողմում անկլավներ ու էքսկլավներ չպետք է լինեն, այսինքն, Հայաստանն ու Ադրբեջանը համապատասխան ճշգրիտ չափերի տարածքների փոխանակում պետք է իրականացնեն», - նշել է Նիկոլ Փաշինյանը, մանրամասնելով.
- Գաղափարն այնպիսին է, որ սահմանազատվեց, սահմանի երկու կողմերում անկլավ, էքսկլավ չի լինում: Ես կարծում եմ, որ Հայաստանում պետք է լինի Արծվաշեն գյուղ, այնպես չի, որ Արծվաշեն բնակավայրը մենք պետք է փակենք: Բայց, օրինակ, կարող է լինենլ, օրինակ, Արծվաշենի ու Հայաստանի արանքում տարածք կա, որը Ադրբեջանի տարածքն է, գաղափարներից մեկն այն կարող է լինել, որ Արծվաշեն գյուղն իր տարածքով տեղաշարժվում է այնքան, այսինքն, բերվում մոտեցվում է, մի քիչ աջ, մի քիչ ձախ, մի քիչ ուղիղ տանելով բերվում, մոտեցվում է նրան, որ իր և Հայաստանի արանքում տարածք չմնա. Անկլավ- էքսկլավների խնդրի լուծման մի քանի տարբերակ կա, այդ թվում՝ տարածքների փոխանակումը: Այդ սցենարները նորություն չեն, որ քննարկվել են, դա քննարկվող սցենարներից մեկն է: Ես զգում եմ, որ Հայաստանում ու Ադրբեջանում ըմբռնումը, որ այսպիսի լուծում է պետք գտնել, ավելի առարկայանում է, որովհետև բոլորս էլ հասկանում ենք, որ մյուս սցենարը բազմաթիվ խնդիրներ է առաջացնելու ընդհուպ գյուղերի բնակիչների շրջանում՝ ո՞նց են անցնելու սահմանը, ոնց են գնալու-գալու և այդպես շարունակ։
Վերը նշվածի վերաբերյալ քարտեզագիր Շահեն Շահինյանը նկատում է.
- Անկլավների մասին խոսելիս միշտ պետք է մտապահենք, որ անկլավների իրավական հիմքի վերաբերյալ դեռևս տեղեկություններ չունենք, ու եթե դրանց մասին սահմանազատման գործընթացում քննարկում լինի, ապա շատ կարևոր է, որ առկա լինեն այդ իրավական հիմքերը: Երբ խոսվում է ընդհանուր սահմանազատման կոնտեքստում տարածքների փոխանակման վերաբերյալ, ապա դա կարող է լինել տարբեր եղանակներով:
Եթե տեսականորեն պատկերացնենք, որ անկլավների գոյության իրավական հիմքերը կան, ու դրանց վերաբերյալ պետք է լուծումներ տրվեն, ապա կարելի է դիտարկել և՛ այդ անկլավների ամբողջական փոխանակումները, և՛ դրանց փոխանակումները տարբեր տարածքների հետ: Երբ ասում ենք, որ, օրինակ՝ անկլավում գտնվող գյուղը տեսականորեն կարող է տեղաշարժվել դեպի սահմանային հատված, խոսքն այն մասին է, որ այդ գյուղի տարածքը փոխանակվի մեկ այլ տարածքի հետ, որը սահմանին ավելի մոտ կամ հենց սահմանին կից կգտնվի:
Խոսքը տարածքների պարզագույն փոխանակման մասին է, ուղղակի այս մեթոդով տարածքների փոխանակման մասին եթե խոսենք, հենց Փաշինյանի նույն օրինակի վրա, ապա եթե Արծվաշենի տարածքի փոխարեն Ադրբեջանին է փոխանցվում Գեղարքունիքի մարզի Արծվաշենին ամենամոտ գտնվող հողակտորը, ապա եթե նույն սկզբունքով խոսենք Վերին Ոսկեպարի այսպես կոչված անկլավի մասին, եթե այդ տարածքը տեղափոխվի դեպի սահմանային գիծ, ստացվում է, որ մենք պետք է զիջենք Ոսկեպար գյուղը, ինչը չգիտեմ թե որքանով է իրատեսական: Բացի այն, որ տարածքները փոխանակելիս պետք է հաշվի առնել դրանց մակերեսը, նաև պետք է հաշվի առնել դրանց տեղադիրքը, պետք է հաշվի առնել դրանց տնտեսական և ռազմավարական կարևորությունը: Այս բոլոր հարցերը սահմանազատման գործընթացում պետք է քննարկվեն:
Խարկովն այս պահին խոշոր հարձակման տակ է
Այս ի՞նչ «ճանճ է կծել» Փաշինյանին ու Ալիեվին
Նարիմանյանը պատրաստ է պատմել ողջ իրականությունը, որից հետո Խորխոռունու գործը նոր ընթացք կստանա
Մամուլի ուժը բարձրախոսների քանակը չէ, այլ իշխանավորին անհարմար, երբեմն ցնցող հարց տալու, անարդարությունը բացահայտելու և սեփական սխալն ընդունելու համարձակությունը
1
4729 դիտում
2
4086 դիտում
3
2239 դիտում
4
1984 դիտում
5
1255 դիտում
1
31460 դիտում
2
19563 դիտում
3
11467 դիտում
4
11417 դիտում
5
8459 դիտում
3
17765 դիտում
