Ի՞նչ է նշանակում՝ ադրբեջանցի զինվորը ներթափանցի Հայաստան ու խորանա շուրջ 20 կիլոմետր, սա աբսուրդ է

«Ինձ համար տարօրինակ է, որ մեր հակահետախուզությունը, մեր ռազմական ոստիկանությունը, մեր ներքին գործերի նախարարությունը չեն կարողացել կանխել այդ ներթափանցումը: Ի՞նչ է նշանակում՝ ադրբեջանցի զինվորը ներթափանցի Հայաստան ու խորանա շուրջ 20 կիլոմետր, սա աբսուրդ է»,-անդրադառնալով ադրբեջանցի զինվորի Շաքի գյուղ ներխուժելու փաստին, նման դիտարկում է անում իրավապաշտպան Նորայր Նորիկյանը, հավելելով.

- Ու շեշտը պետք է դնել հենց այդ հանգամանքի վրա, թե ի՛նչ ծառայություն է իրականացվել այդ տարածքում, որ այդ զինվորին հաջողվել է ներթափանցել Հայաստանի սահման: Պետական սահմանի պահպանության կամ մարտական հերթապահության կրման պայմանները պետք է բերվեն կանոնադրական ու կարգապահական այնպիսի հիմքերի, որ բացառվեն նմանատիպ դեպքերը, ու կարծում եմ, որ պատասխանատուները պետք է շատ խիստ պատասխանատվության ենթարկվեն՝ փնթի աշխատանքի համար: 

Տարօրինակ է, թե մերոնք ինչո՞ւ չեն կանխել ու ի սկզբանե չեն վնասազերծել այդ զինվորին, որովհետև այս դեպքը կարող էր լրիվ այլ՝ ողբերգական ավարտ ունենալ: 

Սա պետք է ազդակ լինի, որ յուրաքանչյուր գերատեսչություն պետք է պատասխանատու մոտենա իր գործառույթին: Կանխարգելիչ բնույթ կրելու դիտանկյունից անգամ, պետք է Հայաստանը հստակ մեսիջ ուղարկի, որ նմանատիպ դեպքեր չի հանդուրժելու, ինքը կարող է ներել, բայց կարող է ահավոր խիստ պատժել: Հետևաբար այս տեսանկյունից շատ մեծ սպասելիքներ կա: Պետք է սպասել ու տեսնել, թե ինչ որոշումներ կկայացնեն

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝