Ազգերի լիգա. Գոլառատ և գերլարված պայքարում Հայաստանի ընտրանին պարտություն կրեց(տեսանյութ)

Ազգերի լիգայի խաղարկության C2 խմբի երկրորդ տուրում Հայաստանի ազգային հավաքականը Երևանի Վազգեն Սարգսյանի անվան «Հանրապետական» մարզադաշտում ընդունեց Չեռնոգորիայի ընտրանուն: Հայաստանի հավաքականը ցավալի պարտություն կրեց 2-3 հաշվով:

Հանդիպման հաշիվը 20-րդ րոպեին հաշիվը բացվեց հայ ֆուտբոլիստի ջանքերով, բայց ոչ հօգուտ Հայաստանի հավաքականի։ Իր հաշվին ինքնագոլ  գրանցեց պաշտպան Էրիկ Փիլոյանը: 

34-րդ րոպեին Հայաստանի ընտրանին հավասարեցրեց հաշիվը, աչքի ընկավ Արթուր Սերոբյանը։

4 րոպե անց՝ 38-րդ րոպեին, Կրստովիչը առաջ մղեց իր թիմին։ 

65-րդ րոպեին Էդուարդ Սպերցյանը հեռահար շքեղ հարվածով գրավեց մրցակցի դարպասը՝  հաշիվը դարձնելով 2-2:

Հիմնական ժամանակի ավարտից ընդամենը մեկ րոպե առաջ՝ 89-րդ րոպեին, Ալեքսա Լատկովիչը, օգտվելով Ռիստո Ռադունովիչի փոխանցումից, խփեց հյուրերի հաղթական գնդակը:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝