Այսօր չդատվելն ու չկալանավորվելն է խնդիր. Կարապետ Պողոսյան

«Իրավունք TV»-ի տաղավարում հյուրընկալել ենք ընդդիմադիր քաղաքական գործիչ, գյումրեցի իրավապաշտպան ԿԱՐԱՊԵՏ ՊՈՂՈՍՅԱՆԻՆ: Խորհրդարանական ընտրություններից հետո նա կալանավորվել էր, այժմ ընդգծում է, որ բանտում էլ է ազատ եղել:

- Ազատությունը սահմաններ չի ճանաչում, առավել եւս, եթե այդ ազատությունից փորձում են զրկել զուտ հայրենիքի ազատությունը սիրելու համար: Իսկ թե ինչու ձերբակալեցին, կարծում եմ, ինչ-որ բանով խանգարում էի: Ընտրությունների ժամանակ, մենք՝ իմ ընկերների հետ որպես դիտորդներ, կարողացել էինք խախտումներ արձանագրել: Հենց հունիսի 6-ի երեկոյան կար որոշում իմ նկատմամբ քրեական վարույթ հարուցելու եւ ձերբակալելու համար: Գուցե, փոքր անհամեստ հնչի, բայց մեր դատավճիռները մեր անուն-ազգանուններն են: Այսինքն, բացարձակապես էլ պետք չէ, որ քրեական օրենսգրքով Փաշինյանն ու իր քննիչներն ինչ-որ մեղադրանք հարուցեն: Այսօր Հայաստանում չդատվելն ու չկալանավորվելն է խնդիր, որովհետեւ թշնամական իշխանության համար մենք անընդունելի մարդիկ ենք: Իսկ քրեական գործի հետ կապված ասեմ, որ անհեռանկար քրեական վարույթ է, որը չունի որեւէ ապագա: Ուղղակի իշխանության նպատակն է եղել ընտրությունների ժամանակ մարդկանց նկատմամբ վախ սերմանելն ու ընդդիմադիր հատվածի նկատմամբ անվստահություն ներշնչելը: Սա փաշինյանական հերթական մանիպուլացիան եւ մարդու իրավունքների խախտման գործընթաց է:

ՆԱՆԱ ՍԱՐԳՍՅԱՆ

Հարզազրույցի շարունակությունը հաջորդիվ 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝