Մոսկվան ողջունում է Երևանի և Բաքվի միջև էներգետիկ համագործակցության վերսկսումը․ Ալեքսեյ Շևցով

Մոսկվան ողջունում է Երևանի և Բաքվի միջև էներգետիկ համագործակցության վերսկսումը, սակայն Ադրբեջանից մատակարարումները կպահանջեն գազատարի կառուցում և երկարաժամկետ պայմանագրերի ստորագրում, լրագրողներին ասել է Ռուսաստանի Անվտանգության խորհրդի փոխքարտուղար Ալեքսեյ Շևցովը։

«Մենք նկատել ենք հայ և ադրբեջանցի պաշտոնյաների վերջին հայտարարությունները Ադրբեջանից Հայաստան գազի մատակարարման հնարավորության վերաբերյալ։ Մենք ողջունում ենք հայ-ադրբեջանական էներգետիկ համագործակցության վերսկսումը, որը կարող է վկայել տարածաշրջանում խաղաղության վերականգնման ուղղությամբ դրական քայլի մասին», – նշել է Շևցովը։ Նա նաև նշել է դիզելային վառելիքի և բենզինի առաքումը Ադրբեջանից Հայաստան երկարատև ընդմիջումից հետո։

Խոսելով Ադրբեջանից Հայաստան գազի մատակարարման հնարավորության մասին՝ Ռուսաստանի Անվտանգության խորհրդի փոխքարտուղարը նշել է, որ «կողմերը համաձայն են, որ մատակարարումները այս պահին դժվար են. անհրաժեշտ է նոր գազատարի կառուցում»։ «Եվ սա, իր հերթին, արդարացված է միայն երկարաժամկետ պայմանագրերով և կայուն պահանջարկով», – հավելել է Շևցովը։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝