Առողջության ապահովագրության համակարգի շահառուների թիվը կընդլայնվի ⚡️⚡️«Իրավունք» թերթի այսօրվա տպագիր համարում կարդացե՛ք... Թող իրենց բողոքն ուղղեն տոմս գնողների դեմ․ Կարեն Ղազարյան Հանրապետության շրջանների զգալի մասում սպասվում են տեղումներ Էլեկտրաէներգիայի պլանային անջատումներ Ռուսաստանը պատրաստվում է ոչնչացնել Կիևի կամուրջներն ու ողջ էներգետիկան Եվրահանձնաժողովը կանխատեսում է, որ Ուկրաինայում հակամարտությունը կշարունակվի առնվազն մինչև 2028–ը Սկսվել է Պուտինի և Սի Ցզինպինի հանդիպումը «Իրավունք». ՔՊ–ն թևերի է բաժանվել «Հրապարակ»․ Անհետ կորածների հարազատները դեմ են Ալեն Սիմոնյանի մասնակցությանը

Առողջության ապահովագրությունից արդեն օգտվել է 850 հազար քաղաքացի

1 միլիոն 815 հազար անձ ունենք ապահովագրված այս պահի դրությամբ: Կառավարության նիստին անդրադառնալով առողջության համընդհանուր ապահովագրությանը՝ ասաց առողջապահության նախարարի տեղակալ Սամվել Խարազյանը:

 

«Մեր ապահովագրված անձանց շուրջ 50 տոկոսը կամ մոտ 850 հազար քաղաքացի արդեն իսկ ստացել է այս կամ այն ծառայությունը առողջության համընդհանուր ապահովագրության շրջանակներում, և առողջության համընդհանուր ապահովագրության հիմնադրամը կատարել է համապատասխան փոխհատուցում այն բժշկական կազմակերպություններին կամ դեղատներին, որտեղ տվյալ անձինք ստացել են համապատասխան ծառայություն կամ դեղորայք:

 

Ընդհանուր առմամբ, մեր բժշկական կազմակերպությունների և դեղատների կողմից փոխհատուցման ներկայացված կատարողականը 150 մլրդ-ից ավելի է կազմում այս պահի դրությամբ, որը որ ամբողջությամբ, ներառյալ նաև օգոստոս ամսվա ներկայացված կատարողականները, ամբողջությամբ փոխհատուցվել են»,- նշեց Խարազյանը:

 

«Հունվարի 1-ից մինչ օրս շրջանառությունը, այսինքն՝ ծառայությունների դիմաց վճարման համախառն ծավալը, շուրջ 150 մլրդ է եղել, շահառուների թիվը՝ 1.8 մլն մոտավորապես, որոնցից կեսն օգտվել է առողջապահական ծառայություններից, որոնց ծածկույթը երաշխավորված է հիմնադրամով: Սա նշանակում է, որ մենք տարեվերջին կունենանք մոտավորապես մինչև 200 մլրդ հաշիվներ՝ մարման ենթակա»,- ասաց փոխվարչապետ Մհեր Գրիգորյանը:

 

«Միգուցե մի փոքր ավելի, որովհետև սեզոնայնությամբ պայմանավորված՝ սովորաբար մեր դիտարկումներն ու տարիների վիճակագրությունը ցույց են տալիս, որ աշնան շրջանում, պայմանավորված քրոնիկ հիվանդությունների սրացումներով և այդ բարդությունների առաջացմամբ, կարող է [այդ թիվն] ավելանալ, բայց դա կառավարման շրջանակներում է, այսինքն՝ ընդհանուր առմամբ ապահովագրության հիմնադրամի բյուջեի շրջանակներում ծախսերը կառավարելի են»,- ընդգծեց առողջապահության փոխնախարարը:

 

Հավանեցի՞ր հոդվածը, կիսվիր ընկերներիդ հետ