Ջանդամ թե անգրագետ է կամ էլ պետական միջոցներն է մխսում, զատո մերն է․․․Ով է ՔՊ-ի Վայքի համայնքապետացուն եւ ով նրան «կռիշավատ» անում

«Արտոնյալներ չեն լինելու, չկան: Եթե ցույց տաք՝ ով է արտոնյալը, հիմնավորեք, որ արտոնյալ է, դրան կլինեն հետևանքներ: Չկան արտոնյալներ ՀՀ-ում»,- լրագրողների հետ զրույցում ասել էր վարչապետ Նիկոլ Փաշինյանը։

Հետամուտ լինելով վարչապետի կոչին ցույց էինք տվել փաստերով վառ արտոնյալ ՔՊ-ական համայնքապետի, այժմ ՔՊ-ի կողմից կրկին պաշտոնապես առաջադրված Կոռուպցիայի Կանխարգելման հանձնաժողովով փաստարկված կոռուպցիոներ, մասնավոր բուհի կասկածելի դիպոմի տեր(այդ մասին ուշագրավ փաստերին կանդրադառնանք առաջիկայում)  Վայքի ՔՊ-ական համայնքապետի տեղը, ով ամենուր գլուխ է գովում, որ իրեն կռիշավատ է անում ՔՊ վարչության անդամ Գնել Սանոսյանը, ով, ըստ իր գլուխգովանքների՝ բեզբոժնի պրախոդ ունի Փաշինյանի մոտ։

Այն, որ Վայքի համայնքապետ Մխիթար Մաթեւոսյանը իսկական պատուհաս է դարձել ՔՊ-ի գլխին, փաստում են անգամ կարկառուն կուսակցականները, բայց ինչպես ասում են՝ ճարները ինչ՝ Գնելը սաղին տեղն է նստեցնում պատեհ առիթին։ Թե որն է իրեն սուսիկ-փուսիկի տեղ դրած Սանոսյանի եւ Մաթեւոսյանի փոխարադարձ <<սիրո>> դրսեւորման պատճառները այլ հարց է։ Զարմանալին այն էր, որ Կառավարության աշխատակազմի ղեկավար Լիլիթ Մակունցին հասցեագրված վերը նշյալ պերսոնաժի մասին տեղեկատվությունը եւս փաստորեն իրենց առանձնապես չի հուզում, այն դեպքում, երբ խոսքը ՔՊ-ի ծոցից դուրս եկած ՏԻՄ ներկայացուցչի մասին է, ում մասին աղմկահարույց հրապարակումների պակաս չկա։ Կառավարության աշխատակազմին խնդրել էինք գնահատական տալ իրենց կուսակցի արտոնյալ պահվածքի վերաբերյալ, ով փաստացի արհամարում Կոռուպցիայի կանխարգելման հանձնաժողովի որոշումը, բայց արի ու տես, որ ըստ պաշտոնական պատասխանի՝ դա հեչ էլ Կառավարության գործը չէ, թող Կոռուպցիայի կանխարգելման հանձնաժողովը մտածի։

Կոռուպցիայի կանխարգելման հանձնաժողովի պատասխանը անշուշտ կներկայացնենք, բայց մինչ այդ ֆիքսենք, որ ՔՊ-ն, բառի բուն իմաստով թքած ունի, թե ով է նրանց քաղաքապետացուն, կարեւորը անվերապահ կրկնում է՝ շեֆ ջան, դու ոնց ասես, մնացածը՝ ջանդամ թե անգրագետ է կամ էլ պետական միջոցներն է մխսում, զատո մերն է․․․

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝