Ալեն Սիմոնյանի հայտարարությունները հայկական հյուրընկալությանը հաղորդում են «թունավոր քաղաքական երանգ». Զախարովա
Միջազգային
ՌԴ ԱԳՆ պաշտոնական ներկայացուցիչ Մարիա Զախարովան ԶԼՄ-ների համար մեկնաբանությունում սադրիչ է անվանել Հայաստանի Անվտանգության խորհրդի քարտուղար Ալեն Սիմոնյանի հայտարարությունները հանրապետության՝ ռուսաստանցի այն քաղաքացիների նոր ալիք ընդունելու պատրաստակամության մասին, որոնք ցանկանում են խուսափել ռազմաճակատ ուղարկվելուց։
«Ա. Ռ. Սիմոնյանի հայտարարությունները մենք համարում ենք սադրիչ։ Ըստ էության, դրանք ռուսաստանցի քաղաքացիներին դրդում են անօրինական գործողությունների և ավանդական հայկական հյուրընկալությանը հաղորդում են թունավոր քաղաքական երանգ», — հայտարարել է Զախարովան։
Նա նշել է, որ Սիմոնյանը «Դոժդ» հեռուստաալիքին տված հարցազրույցում տրվել է «գիտակցաբար սադրիչ ձևակերպված հարցին» և ներքաշվել է Ռուսաստանում իբր հնարավոր մոբիլիզացիայի մասին շահարկումների մեջ, որոնք, դիվանագետի խոսքով, բազմիցս հերքվել են ռուս պաշտոնատար անձանց կողմից։
ՌԴ ԱԳՆ-ում նաև հայտարարել են, որ շարունակվում է պաշտոնական Երևանի ներկայացուցիչների կողմից հրապարակային հայտարարությունների տարածման միտումը, որոնք «խաթարում են Մոսկվայի հետ երկկողմ համագործակցությունը»։
Զախարովան հիշեցրել է, որ 2026 թվականի փետրվարին Ռուսաստան կատարած այցի ընթացքում Սիմոնյանը խոսում էր ռուս-հայկական կապերի զարգացման կարևորության մասին։
Նրա կարծիքով՝ Հայաստանի Անվտանգության խորհրդի քարտուղարի ներկայիս մեկնաբանությունները վկայում են Երևանի՝ «Արևմուտքին և Կիևի ռեժիմին հաճոյանալու» ձգտման մասին։
ԱԲ-ն գուշակ չէ. Տեղեկատվական անվտանգության փորձագետը զգուշացնում է
Ալիևը հայտարարել է, որ հայկական կողմը նախկինում Ադրբեջանին «սպառնացել է» նոր պատերազմով՝ խոստանալով վերցնել նոր տարածքներ
Մենք չգիտենք, թե ում ոտքերի տակ է նա ընկել. Զախարովան հակադարձել է Ալեն Սիմոնյանին՝ հիշեցնելով 2020թ. նոյեմբերի 9-ի հայտարարությունը և Պրահան
Նուռը հայկական խոհանոցում.«Անուշ լինի» հաղորդումը բաց չթողնեք
1
13699 դիտում
2
6819 դիտում
3
3210 դիտում
4
3115 դիտում
5
2256 դիտում
1
31589 դիտում
2
19791 դիտում
5
5046 դիտում
4
11584 դիտում
5
11538 դիտում
