Գնում են Եվրամիություն, որ Երեւանի քաղաքապետարանը վերածեն նուդիստական ժամանցի կենտրոնի՞
Վերլուծություն
Նիկոլ Փաշինյանը, ներկայացնելով կառավարության 2026-2031 թթ.-երի ծրագիրը՝ նշել է, որ Հայաստանը մտադիր է մոտ ժամանակներս սկսել ԵՄ անդամակցության հայտ ներկայացնելու գործընթաց։ Եվրահանձնաժողովի գերմանացի խոսնակ Մարկուս Լամերտն էլ շտապել է ողջունել, թե՝ «Հայաստանն ավելի մոտ է ԵՄ-ին, քան երբեւէ»: Իսկ թե ինչ է կատարվում Եվրամիությունում, որ Հայաստանն էլ ձգտում է անդամակցել, պատկերացնելու համար բավական է մեկ օրինակ բերել հենց Մարկուս Լամերտի հայրենիքից՝ Գերմանիայից։
Գերմանիայի Մանհայմ քաղաքի ավագանու անդամ ՅՈՒԼԻԵՆ ՖԵՐԱՏԸ օրերս սկանդալային նախաձեռնությամբ է հանդես եկել։ Նա ցանկանում է քաղաքի քաղաքապետարանում սվինգերների երեկո կազմակերպել՝ այն ներկայացնելով որպես իր քաղաքական ու տնտեսական գաղափարի մաս։
35-ամյա Ֆերատը հայտարարել է, որ միջոցառումը կարող է անցկացվել հենց քաղաքապետարանում, իսկ դրա կարգախոսն է՝ «Մանհայմը՝ նուդիստական սվինգերների դրախտ»։ Նրա խոսքով՝ շուրջ 50 մարդ արդեն հետաքրքրված է միջոցառմամբ։
Քաղաքական գործիչը պնդում է, որ նման միջոցառումը կարող է օգնել կոտրել սվինգերների եւ նուդիստական կենսակերպի շուրջ հասարակական տաբուները, ինչպես նաեւ տնտեսական օգուտ բերել քաղաքին։ Նա Մանհայմը ցանկանում է նմանեցնել Ֆրանսիայի հայտնի Կապ դ'Ագդ նուդիստական հանգստավայրին։ Ավելին՝ Ֆերատը գլխանց հայտարարել է, որ եթե քաղաքապետարանը արգելի միջոցառումը, պատրաստվում է իրավական ճանապարհով վիճարկել որոշումը, իսկ անհրաժեշտության դեպքում երեկոն կազմակերպել մասնավոր տարածքում։
Հետաքրքիր է, որ սա Ֆերատի առաջին նման նախաձեռնությունը չէ։ Դեռ 2025 թվականին նա քաղաքային պաշտոնական թերթում հրապարակել էր «քաղաքական կրթական ուղեւորության» հրավեր՝ դեպի Ֆրանսիայի Կապ դ'Ագդ նուդիստական հանգստավայր։ Այդ ժամանակ էլ նախաձեռնությունը մեծ արձագանք էր ստացել Գերմանիայում։ Իսկ ահա հիմա գերմանական մամուլում քննարկվում է մեկ այլ հարց՝ արդյոք քաղաքական ազատությունների սահմանը կարող է հասնել մինչեւ քաղաքապետարանի պատերի ներսում նման միջոցառման անցկացում։ Մանհայմի իշխանություններն առայժմ պատասխանը տվել են բավական հստակ՝ նախ պետք է ներկայացվի պաշտոնական եւ մանրամասն ծրագիր, իսկ դրա թույլատրելիությունն ու իրագործելիությունը դեռ քննարկման թեմա է։ Իսկ գուցե հենց նման խայտառակ գաղափարներո՞վ է ոգեւորվել հայաստանյան իշխանությունն՝ ամառվա այս տապին առաջ բրդելով եվրաինտեգրման թեման։ Տեղին է հիշել ԱԺ լուսահոգի նախագահ Գալուստ Սահակյանի թեւավոր խոսքերից մեկը. «Մենք տեսել ենք Ձեր մերկությունը, բայց չենք գայթակղվել».
ՀՐԱՆՏ ՍԱՐԱՖՅԱՆ
Ազգը ռեզինից չէ, ինչպես եւ Երեւանի փողոցները. Քաղաքապետարանը կրկին ձախողեց
Մեծ աղետներ են բերել այս իշխանությունները ու դեռ ինչքան էլ կբերեն, եթե մնան. Տիգրան Ավետիսյան
Հայաստանը 2027 կամ 2028 թվականին պաշտոնապես կդիմի ԵՄ-ին՝ կառույցի լիարժեք անդամ դառնալու գործընթաց սկսելու հարցով. Փաշինյան
Ինչ կարող էինք զիջել, արդեն զիջել ենք․ Տիգրան Աբրահամյան
1
13712 դիտում
2
6819 դիտում
3
3210 դիտում
4
3115 դիտում
5
2256 դիտում
1
31589 դիտում
2
19791 դիտում
5
5046 դիտում
4
11584 դիտում
5
11538 դիտում
