Իրանը դիտարկում է Եվրոպայում թիրախներին հարվածելու հնարավորությունը. ԶԼՄ
Միջազգային
ԱՄՆ նախագահ Դոնալդ Թրամփի կողմից հակամարտության սրման դեպքում Իրանը դիտարկում է Եվրոպայում ամերիկյան ռազմական օբյեկտներին հարվածներ հասցնելու հնարավորությունը, Financial Times-ին հայտնել են իրանական իշխանություններին մոտ կանգնած երկու աղբյուրները։
Աղբյուրները հայտնել են, որ նոր հակամարտության դեպքում Թեհրանը կարող է ընդլայնել հնարավոր հարվածների աշխարհագրությունը՝ դուրս գալով Մերձավոր Արևելքի սահմաններից։ «Եթե ԱՄՆ-ն չափն անցնի, Իրանը կպաշտպանի իրեն ամեն գնով, դուրս կգա տարածաշրջանի սահմաններից և հարվածներ կհասցնի Եվրոպային»,- ասել է աղբյուրներից մեկը։
Ըստ աղբյուրների՝ Թեհրանում ուսումնասիրել են Հարավարևելյան Եվրոպայում, մասնավորապես՝ Բուլղարիայում, ամերիկյան օբյեկտներին հարվածներ հասցնելու հնարավորությունը։ Որպես հնարավոր թիրախ նշվել է նաև Կիպրոսը, որտեղ տեղակայված է բրիտանական «Ակրոտիրի» ռազմաբազան։ Բացի այդ, Իրանը դիտարկել է Հորմուզի նեղուցում ստորջրյա օպտիկամանրաթելային մալուխների վրա հարձակումների հնարավորությունը։ Իրանն արդեն փորձել է հարվածներ հասցնել տարածաշրջանից հեռու գտնվող թիրախների։
Մարտին հաղորդումներ էին տարածվել, որ Թեհրանը երկու բալիստիկ հրթիռ է արձակել Հնդկական օվկիանոսում գտնվող Դիեգո Գարսիայի ամերիկա-բրիտանական ռազմաբազայի ուղղությամբ։ Իրանական կողմը, սակայն, հերքել էր այդ հաղորդումները։ Միաժամանակ, Կիպրոսի ուղղությամբ իրանական հրթիռների արձակման մասին մարտին հայտարարել էր նաև Մեծ Բրիտանիայի պաշտպանության նախարարը՝ նշելով, որ դրանք, իր գնահատմամբ, հատուկ ուղղված չէին կղզուն, իսկ մարտին Թուրքիան հայտնել էր իրանական բալիստիկ հրթիռների որսման մասին։
The Wall Street Journal -ը օգոստոսի 16-ին գրել էր, որ վերջին երկու ամիսների ընթացքում Իրանը պատրաստվել է ռազմական գործողությունների հնարավոր ընդլայնմանը. իշխանություններն ուժեղացնում են Իսլամական հեղափոխության պահապանների կորպուսի (ԻՀՊԿ) վերահսկողությունը կանոնավոր բանակի նկատմամբ, ընդլայնում են հակահետախուզական գործողությունները և ավելացնում հրթիռների ու անօդաչու թռչող սարքերի (ԱԹՍ) արտադրությունը։
Իրանական աղբյուրները հաստատում են ԱՄՆ-ի կողմից Քեշմ կղզն հասցված հարվածների լուրը
Իրանը թիրախավորում է ԱՄՆ-ն. 15,000 կիլոմետր հեռահարության հրթիռներ՞
ԱՄՆ-ն Չինաստանին խնդրել է օգնել՝ Իրանի հետ պատերազմն ավարտել The Washington Post
Սաակաշվիլին կարծում է, որ իր դուստրը կարող է դառնալ ԱՄՆ նախագահ
1
13712 դիտում
2
6819 դիտում
3
3210 դիտում
4
3115 դիտում
5
2256 դիտում
1
31589 դիտում
2
19791 դիտում
5
5046 դիտում
4
11584 դիտում
5
11538 դիտում
