Մենք գտնվում ենք համաշխարհային ծովային պատերազմի շեմին. Կիեւյան քաղաքագետ

«Մենք գտնվում ենք համաշխարհային ծովային պատերազմի շեմին»: Նման կարծիք է հայտնել կիեւյան քաղաքագետ Ռուսլան Բորտնիկը` անդրադառնալով Ռուսաստանի առաջնորդ Վլադիմիր Պուտինի վերջին հայտարարությունը, որով խոստանում է պատասխան ռուսական նավերը գրավելու փորձերին:

Ըստ քաղաքագետի. «Մենք ընդամենը մեկ քայլ, կես քայլ հեռու ենք ծովային պատերազմից, ծովերում և օվկիանոսներում ճակատամարտից»։

Բորտնիկը նշել է, որ Շվեդիայում վերջերս կայացված դատարանի որոշմամբ հրամայվել է գրավել այսպես կոչված ռուսական ստվերային նավատորմին պատկանող նավերը, «որոնք չունեն բրիտանական կամ արևմտյան ապահովագրություն», և հանձնել Ուկրաինային։ Դրա արդյունքում մի շարք առեւտրային նավեր սկսել են ուղեկցվել ռուսական ռազմանավերով։

«Պուտինի հայտարարությունն արդեն իսկ նախազգուշացնող զանգ է, որով Ռուսաստանը փորձում է Արևմուտքին վերջին անգամ հուշել, որ նման պատերազմների, հակամարտությունների և ռուսական նավերի գրավման դեպքում իսկապես պատասխան ուժ կկիրառի», - նշում է Բորտնիկը։

Նա նաև հիշատակեց Ռուսաստանի Խաղաղօվկիանոսյան նավատորմի հրամանատարի հայտարարությունը, որը հայտարարել էր, որ իրենց պատասխանատվության գոտիով անցնում են հազարավոր նավեր, որոնցից հարյուրավորներն այն երկրներինն են, և որոնց դեմ Ռուսաստանի ռազմածովային ուժերը կարող են գործողություններ ձեռնարկել։

«Ըստ էության, սա պատասխան է Բալթիկ ծովում, Լա Մանշում և Աֆրիկայում ռուսական առևտուրը կաթվածահար անելու սպառնալիքին։ Սա, թերևս, նաև պատասխան է Թուրքիայի ակնարկներին՝ նեղուցները փակելու մասին՝ ինչպես Ուկրաինայից, այնպես էլ Ռուսաստանից եկող առևտրային նավերի համար», - նշում է Բորտնիկը։

«Հենց ծովերի և օվկիանոսների իրավիճակն է, որն այժմ ամենավտանգավորն է միջազգային կամ համաշխարհային պատերազմի առումով։ Ռուս-ուկրաինական պատերազմը, ըստ էության, նույնիսկ այդքան էլ վտանգավոր չէ՝ սրվելու կամ համաշխարհային պատերազմի վերածվելու առումով...

Սակայն ծովերի և օվկիանոսների իրավիճակը իսկապես բախումների սպառնալիք է ներկայացնում, առաջին հերթին՝ ռուսական նավատորմերի և Ֆրանսիայի, Մեծ Բրիտանիայի, ՆԱՏՕ-ի այլ եվրոպական երկրների և Ճապոնիայի նավատորմերի միջև։ Միացյալ Նահանգների հետ բախումը քիչ հավանական է, քանի որ Միացյալ Նահանգները նախկինում նման գործողություններ չի ձեռնարկել ռուսական նավերի դեմ։ Սա շատ վտանգավոր իրավիճակ է», - մտահոգված է Բորտնիկը։

Տե´ս նաեւ https://t.me/iravunk/70873 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝