Մոլդովան բախվեց էլեկտրաէներգիայի ծայրահեղ դեֆիցիտի

Մոլդովան հինգշաբթի օրը կբախվի էլեկտրաէներգիայի ծայրահեղ դեֆիցիտի՝ չկարողանալով ստորագրել էլեկտրաէներգիայի արտակարգ պայմանագիր, հայտարարել է վարչապետ Վասիլե Տոֆանը։ «Ցավոք, վաղվա (հինգշաբթի - խմբ.) էներգետիկ իրավիճակը շատ վատ է լինելու, շատ ավելի վատ, քան այսօր։ Վաղը մենք, հավանաբար, նույնիսկ չենք կարողանա գնել արտակարգ էլեկտրաէներգիա. այն արժե երկու-երեք անգամ ավելի թանկ»,- ասել է Տոֆանը եթերում։

Հնարավոր են էլեկտրաէներգիայի ժամանակավոր անջատումներ. բնակիչներին խնդրում են երեկոյան խնայել էլեկտրաէներգիան, հավելել է նա։

Ավելի վաղ Մոլդովայի իշխանությունները էներգետիկ ոլորտում հայտարարել էին 30-օրյա բարձր տագնապի դրություն։ Լրագրող Վասիլե Մոիսեենկոն հայտնել է, որ Մոլդովայում էլեկտրաէներգիայի պակասը օրեցօր վատանում է։

Մոլդովայի բնակիչները գրեթե մեկ շաբաթ տառապում են էլեկտրաէներգիայի անջատումներից։ Հուլիսի 31-ին, հանրապետության մայրաքաղաքում էլեկտրաէներգիայի պակասի պատճառով, ոչ միայն լուսացույցերը, այլև սուպերմարկետները չէին աշխատում. ավտոմատ դռները պարզապես չէին բացվում։

Այն բանից հետո, երբ Սանդուն ծայրահեղորեն սրեց հարաբերությունները Մոսկվայի հետ, Մոլդովայում էներգետիկ խնդիրներն այդպես էլ չեն լուծվում: Ու հիմա հերթը հասնում է լիակատար հոսանքազրկման:

Տե´ս նաեւ https://t.me/iravunk/70475 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝