Տաթևի Մեծ անապատում հայտնաբերվել է միջնադարյան աղբյուր
Մշակութային
Տաթևի Մեծ անապատում 2026 թվականին իրականացված պեղումների արդյունքում հողի հաստ շերտի տակից բացվել է միջնադարյան աղբյուր, հայտնել է Պատմամշակութային ժառանգության գիտահետազոտական կենտրոնը։ Աղբյուրի գոյության մասին դեռևս 19-րդ դարում հիշատակել էր ազգագրագետ Երվանդ Լալայանը, սակայն կառույցի հստակ տեղը երկար ժամանակ անհայտ էր, քանի որ Տաթևի Մեծ անապատի մի շարք հատվածներ ծածկված էին հողի հաստ շերտով։
Պեղումները կատարվել են ճարտարապետ Մուրադ Հասրաթյանի նկարագրության հիման վրա։ Հնագետների գնահատմամբ՝ աղբյուրը հետաքրքիր է ինչպես ինժեներական, այնպես էլ գեղարվեստական լուծումներով։ Կառույցն ամբողջությամբ բացվել է և այժմ տեսանելի ու հասանելի է Տաթևի Մեծ անապատի այցելուների համար։
Տաթևի Մեծ անապատը գտնվում է Սյունիքի մարզում՝ Որոտանի կիրճում, Տաթևի վանքից հարավ-արևելք։ Այն հիմնադրվել է 1660-ական թվականներին՝ 1658 թվականի երկրաշարժից հետո, երբ ավերվել էր Հարանց անապատը։ Համալիրը կառուցվել է Ամենայն հայոց կաթողիկոս Հակոբ Դ Ջուղայեցու նախաձեռնությամբ և 17-18-րդ դարերում դարձել Սյունիքի կարևորագույն կրոնական, կրթական և մշակութային կենտրոններից մեկը, որտեղ, ըստ պատմական աղբյուրների, բնակվել են հարյուրավոր միաբաններ։
Ոսկե մեդալ՝ ԱՊՀ երկրների Դելֆյան խաղերից
Տարածված տեսանյութից հետո Ռաֆոն խոստանում է ամեն ինչ «Ծանր ու թեթեւ» անել
Անգամ մուսուլման նկարիչներ են գալու` նկարեն Արարատը․ «Հրապարակ»
Կամ կկործանվենք, կա՛մ էլ մի օր շուտ պետք է կատարվի իշխանափոխություն. Զոհրապ Բեկ-Գասպարենցի
1
4076 դիտում
2
2256 դիտում
3
1955 դիտում
4
1935 դիտում
5
1543 դիտում
1
31460 դիտում
2
19495 դիտում
3
11458 դիտում
4
11407 դիտում
5
8350 դիտում
3
17742 դիտում
