Մարդիկ հացի գումար անգամ չունեն․ ինչ են պահանջում ցուցարարները

Ոտնահարված իրավունքների շքերթը շարունակվում է։ «Օլիմպավան» մարզաառողջարան կենտրոնի աշխատակիցները երեկ կրկին հավաքվել էին Կառավարության շենքի մոտ՝ պահանջելով, որպեսզի բացեն կենտրոնի դռները, եւ մարդիկ կարողանան աշխատել, վճարել վարկերը եւ վերջապես՝ ապրել:

Խնդիրը, սակայն, շարունակում է մնալ չլուծված։ Թեեւ ցուցարարներին մոտեցել է քաղաքացիների դիմումներն ընդունող, ըստ նրանց՝ Նազարյան ազգանունով մեկը, լսել է ներկայացված պահանջները եւ դրանք գնահատել հրատապ, այդուհանդերձ որեւէ հստակ ժամկետ չի նշվել՝ երբ հարցը կբարձրացվի համապատասխան մարմիններում, եւ երբ կարող է ակնկալվել դրա լուծումը։

«Եթե վերեւում նստածները եւ այս հարցը քննարկողները հայեր են, ապա հարցին շուտ լուծում կտաք, որպեսզի մենք սեւ ցոււցակ չընկնենք բանկերում»,- ասաց ցուցարարներից մեկը:

Մեկ ուրիշն էլ նշեց, որ այս ընթացքում ահռելի գումարային կորուստներ են կրում գործարաններն ու աշխատակիցները․ «Ֆինանսական կորուստների մասին խոսելն անգամ անիմաստ է, քանի որ բոլոր գործարանները փակված են, իսկ աշխատակիցները հացի գումար չունեն: Անգամ այդտեղ գալու գումար չունեին մարդիկ, որ գային ու իրենց բողոքի խոսքը հայտնեին»:

ՆԱՆԱ ՍԱՐԳՍՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝