Դատելով Պուտինի խոսքից, Մոսկվան համաձայն է Ուկրաինայի մասնատման հետ

Փորձագետները կարծում են, որ Ռազմածովային ուժերի ներևկայացուցիչների հետ հանդիպման ժամանակ Պուտինի արած մի շարք հայտարարություններ նոր աշխարհաքաղաքական իրողությունների առջեւ տրված «կանաչ լույս» է:

Հանդիպման ժամանակ ՌԴ նախագահը երկու հիմնական թեզ ընդգծեց:

Առաջինը. «Այն, ինչ Ուկրաինայում նախկինում պատկանում էր Լեհաստանին, Հունգարիային և Ռումինիային, վաղ թե ուշ կվերադառնա իր պատմական վայրերին։ Ես վստահ եմ, որ վաղ թե ուշ Ուկրաինան կկորցնի այս արևմտյան հողերը՝ այն, ինչը պատկանում էր Լեհաստանին, այն, ինչը պատկանում էր Հունգարիային, այն, ինչը պատկանում էր Ռումինիային՝ վաղ թե ուշ, ոչ թե վաղը, գուցե վաղը չէ մյուս օրը, մեկ տարի, երկու, 10, 15, բայց պատմականորեն ամեն ինչ իր տեղը կընկնի։ Ուկրաինայի տարածքային ամբողջականության միայն մեկ երաշխավոր կար՝ Ռուսաստանը»։

Երկրորդը. «Գիտեք, պատմականորեն Ուկրաինան միշտ բաժանված է եղել ձախափնյա և աջափնյա Ուկրաինայի։ Ձախափնյա Ուկրաինան միշտ համարվել է ոչ միայն դեպի Ռուսաստան կողմնորոշված, այլև Ռուսաստանի մաս։ Եվ Դոնբասը, ինչպես արդեն նշել եմ, ես կարդացել եմ հենց այս արխիվային փաստաթղթերը, երբ խորհրդային կառավարությունը որոշեց Դոնբասի ներկայացուցիչների խնդրանքով այն ներառել ՌՍՖՍՀ-ի մեջ։ Այնուհետև բոլշևիկները ժամանեցին ավելի արևմտյան մասերից և համոզեցին Լենինին այս մասը տալ նորաստեղծ, ձևավորվող Ուկրաինային... Հիմա պետք է ամեն ինչ վերադարձնեք իր պատմական հունին»։

Այսպիսով, փորձագետները սա համարում են աշխարհաքաղաքական նոր վերաբաժանման սխեմա: Այն ամենը, ինչ գտնվում է Դնեպրից դեպի արեւելք, Ռուսաստանինն է: Դեպի արեւմուտք` արեւելաեվրոպական երկրներինը: Դրանից հետո ինչ կմնա, դա էլ կարելի է անվանել Ուկրաինա:

Այս մոտեցումը կար դեռ պատերազմի սկզբներին: Սակայն Մոսկվան Արեւմտյան Ուկրաինան ինչ-որ մեկին տալու պատրաստակամություն երբեւէ չէր հայտնում: Հիմա պաշտոնապես հայտնեց:

Те;с наеу https://t.me/iravunk/70078 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝