«Մերձավոր Արևելքը, Կովկասը, Կասպից ծովը, Ուկրաինան և Կենտրոնական Ասիան դառնում են ռազմավարական պայքարի փոխկապակցված տարածքներ»

Իրանական փորձագիտական աղբյուրները Կասպից ծովում Իրանի նավին հասցված հարվածը գնահատում են, որպես պատերազմի աշխարհագրությունն ընդլայնելու ծրագրի դրվագ: Ըստ փորձագետի.

«Ուկրաինայի կողմից Կասպից ծովում իրանական նավի վրա հարվածը և Կիևի ընդլայնվող ռազմատեխնիկական համագործակցությունը մի քանի արաբական պետությունների հետ ցույց են տալիս, որ բախման երկու թատերաբեմերը գնալով ավելի ու ավելի են միահյուսվում։

Այսօր այլևս խոսքը միայն ռուս-ուկրաինական հակամարտության կամ Իրանի, ԱՄՆ-ի և Իսրայելի միջև դիմակայության մասին չէ։ Ավելի ու ավելի շատ նշաններ են վկայում միասնական աշխարհաքաղաքական հակամարտության գոտու ի հայտ գալու մասին, որտեղ Մերձավոր Արևելքը, Կովկասը, Կասպից ծովը, Ուկրաինան և Կենտրոնական Ասիան դառնում են միասնական ռազմավարական պայքարի փոխկապակցված տարածքներ։

Այս ֆոնին պարզ է դառնում, որ ներկայիս իրադարձությունները այլևս չեն կարող դիտվել որպես մեկուսացված ճգնաժամեր։

Դրանք աստիճանաբար միավորվում են միասնական համաշխարհային բախման մեջ, որում միահյուսված են աշխարհի առաջատար տերությունների շահերը, տրանսպորտային միջանցքների, էներգետիկ ուղիների և Եվրասիայի հիմնական աշխարհագրական հանգույցների նկատմամբ վերահսկողության համար պայքարը։

Հենց սա է պատճառը, որ Իրանի եզակի աշխարհագրական դիրքը՝ Արևելք-Արևմուտք և Հյուսիս-Հարավ ուղիների հատման կետում, երկիրը դարձնում է ժամանակակից աշխարհաքաղաքական մրցակցության հիմնական տարր։

Այս պայմաններում Թեհրանի արտաքին քաղաքականությունը պետք է ավելի ու ավելի շատ հաշվի առնի ոչ միայն տարածաշրջանային իրավիճակը, այլև աշխարհի խոշորագույն ուժային կենտրոնների միջև երկարաժամկետ ռազմավարական մրցակցությունը»։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝