Համայնք, որտեղ բնության հրաշալիքները սփռված են պատմական տաճարի շուրջ

Մայրաքաղաքից 25 կմ հեռավորության վրա է գտնվում Հայաստանի զբոսաշրջային համայնքներից մեկը՝ Գառնին։ Գառնին զբոսաշրջիկներին առավել հայտնի է  հայ հեթանոսական մշակույթից մնացած միակ օրինակով՝ Գառնիի տաճարով, որը 301 թ.՝ Հայաստանում քրիստոնեությունն ընդունելուց հետո վերածվել էր արքաների ամառային նստավայրի։ Գառնի գյուղի տարածքում է գտնվում հանրահայտ Քարերի սիմֆոնիա  բնական հուշարձանը, որն ընդգրկված է Հայաստանի բնության հուշարձանների ցանկում։  Բնության կողմից կերտված, գետի վրա կախված այդ սյուների շարքը երգեհոնի է նման. այս իսկ պատճառով էլ ժողովուրդը  «Բազալտե երգեհոն» անունն է տվել։ 

Քչերին է հայտնի , սակայն, որ Գառնի վարչական տարածքի հյուսիսարևելյան մասի գողտրիկ մի անկյունում է գտնվում Մաշտոց Հայրապետ հինավուրց սրբավայրը։ Եկեղեցին կառուցվել է Գառնիի կիրճի բարձրադիր լանջին՝ գեղեցիկ տեսարաններով դեպի գետը և լեռները։ Մաշտոց Հայրապետի եկեղեցին եղել է ոչ միայն կրոնական կենտրոն, այլև կրթության ու մշակույթի տարածք։ Եկեղեցու ավերակները հիշեցնում են VII դարի հայկական ճարտարապետության կարևոր ավանդույթները՝ Բնության և միջավայրի ներդաշնակությունը։

Ներկայումս եկեղեցին գտնվում է համայնքի ղեկավար Տիգրան Պողոսյան ամենօրյա հոգածության ներքո։ Համայնքի ղեկավարը, ինչպես տեղացիներն են բնորոշում՝ եզակի համայնքապետերից է, ով 24 ժամ  հասանելի եմ բոլորի համար: Ողջ օրը չի փակվում իր կաբինետում նախընտրում եմ շրջել համայնքում, անձամբ հետևել ընթացիկ աշխատանքներին, շփվել բնակչության հետ, լսել նրանց խնդիրները: Ձգտում է իր աշխատանքով հնարավորինս ծառայել իրեն վստահած ժողովրդին: Ինձ համար ամենասպասված գնահատականը համայնքի բնակչի գոհունակությունն է, երբ նա իր խնդրի լուծումը ստացած դուրս է գալիս համայնքապետարանից, ասում է համայնքապետը։

Գառնեցիները հպարտությամբ են խոսում իրենց երիտասարդ, բայց փորձառու համայնքապետի ջանքերով կատարված աշխատանքների մասին։ 2018-ից մինչ օրս Գառնի համայնքում իրականացվել եւ իրականացվում է շուրջ 23 սուբվենցիոն ծրագրեր, կառուցվել ճանապարհներ, մայթեր, իրականացվել են փողոցային լուսավորության աշխատանքներ, վերանորոգվել են այգիներ, պուրակներ, նախադպրոցական հաստատություններ եւ բազում այլ աշխատանքներ։ 

Գառնին ի տարբերություն այլ զբոսաշրջային վայրերի՝ իր շքեղությամբ փայլում է նաեւ գիշերը, երբ շուրջը վառվում են լույսեր ու ստեղծում առեղծվածային տեսարան: Այստեղ զբոսաշրջիկների ուշադրությունը հրավիրում ենք՝ տեսնելու երկու տարբեր ժամանակաշրջանների և կրոնների տաճարներ, բնական բազալտե երգեհոն և դեպի Արարատ լեռը բացվող լավագույն տեսարաններից մեկը։ 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝