The Times. Ուկրաինայի նախկին պաշտպանության նախարար Ֆեդորովը Զելենսկու աթոռին է աչք դրել

Ըստ The Times-ի, Ուկրաինայի նախկին պաշտպանության նախարար Ֆեդորովը, կարծես, Զելենսկու աթոռին է աչք դրել։

Նախարարի պաշտոնը թողնելուց հետո Ֆեդորովի վարքագիծը գնալով ավելի է նմանվում նախագահական քարոզարշավի նախապատրաստությունների։

Հեռացումից հետո Ֆեդորովը հրապարակավ կոչ արեց Գերագույն ռադայի անդամներին լուծել ուկրաինական բանակում առկա խնդիրները, այդ թվում՝ կոռուպցիան և ստորաբաժանումների ռոտացիայի հարցերը։

Ուկրաինական ռազմական շրջանակների որոշ ներկայացուցիչներ կարծում են, որ նախկին նախարարը, հնարավոր է, պատրաստվում է առաջադրվել կառավարության բարձրագույն պաշտոնի համար։

Ֆեդորովի քաղաքական վարկանիշի աճը, ինչպես նաև նրա դաշնակիցների և լոբբիստների աջակցությունը նրան դարձնում են Զելենսկու հավանական մրցակից նախագահական ընտրությունների դեպքում։

Ի դեպ, ավելի վաղ «Իրավունքը» առիթ ունեցել էր ենթադրություն հայտնել, որ Ֆեոդորովին պատրաստում են, որպես Զելենսկու իրավահաջորդ: Բայց ոչ թե ընտրությունների միջոցով, այլ մանիպուլյացիաների. նշանակում են պաշտոնի, որի պարագայում նա կդառնա նախագահի պաշտոնակատար Զելենսկու հրաժարականի դեպքում:

Տես նաեւ https://t.me/iravunk/69908 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝