Տարադրամի փոխարժեքները նոյեմբերի 18-ին Արարատի մարզը՝ «կոկորդիլոսագետ» Գարիկի կուռացիայի տա՞կ Ուկրաինայի համար բեռներ փոխադրող հերթական մեծ բեռնանավը ոչնչացվել է Սև ծովում (Տեսանյութ) Պուտինը, Թրամփը և Սի Ցզինպինը «ոտքի վրա» կարճ հանդիպում ունեցան ՍԻՄ նախագահը կուսակցության գրասենյակում ընդունել է ՄԱՍԿ նախագահին Սա գաղափարական հենքի վրա ձեւավորված միասնություն չէ․ Արամ Սարգսյան Առողջության ապահովագրության համակարգի շահառուների թիվը կընդլայնվի ⚡️⚡️«Իրավունք» թերթի այսօրվա տպագիր համարում կարդացե՛ք... Թող իրենց բողոքն ուղղեն տոմս գնողների դեմ․ Կարեն Ղազարյան Հանրապետության շրջանների զգալի մասում սպասվում են տեղումներ

Հայաստանի ապագան որոշվելու է ոչ թէ ԱԺ-ում, այլ հանրաքվեով. Հայկ Բաբուխանյան

Ներքաղաքական

Օգոտստոսի 3-ին սկսվելու է ստորագրահավաք ՀՀ սահմանադրության մեջ փոփոխությունների վերաբերյալ հանրաքվե նշանակելու համար: Հանրաքվեի իմաստն այն է, որ Հայաստանը չընդունի այնպիսի որոշումներ, որոնք կհակասեն մեր անդամակցությանը Եվրասիական Տնտեսական միությանը: Պարզ ասած, որպեսզի Եվրոպական միության հետ ինտեգրացիայի վերաբերյալ ՀՀ ԱԺ-ի կողմից ընդունած օրենքը չհանգեցնի Հայաստանի ԵԱՏՄ-ից դուրս գալուն: Իսկ ավելի պարզ ասած, որպեսզի մեր կոնյակը, ծիրանը, ջերմուկը, ծաղիկը եվ ձուկը կրկին վերադառնան Ռուսաստանի շուկաներ ու խանութներ: 

«Ալյանս» կուսակցության առաջնորդ Տիգրան Ուրիխանյանի այս մտահաղացման արդյունքում ձեւավորվեց «Եվրասիական Ալյանս» քաղաքացիական նախաձեռնություն, որի դիմումը հաստատեց ԿԸՀ-ն: Օգոստոսի 3-ից, երկու ամսվա ընթացքում, «Եվրասիական Ալյանսը» պետք է հավաքի 200.000 ստորագրություն, որի արդյունքում օրենքով սահմանված կարգով պետք է նշանակվի հանրաքվե: 

Այս իրադրությունը ամբողջովին փոխում է Հայաստանի ներքաղաքական դասավորվածությունը եվ, ըստ էության, գլխավոր ընդդիության դերում հանդես են գալիս ոչ թէ խորհրդարանական մանդատները սուսիկ-փուսիկ վերցրած, իբր ընդդիմադիր կուսակցությունները, այլ հենց  «Եվրասիական Ալյանս»-ը: Թեեվ վերջինս չի գորգռում իշխանափոխության մասին, սակայն, ըստ էության, Հայաստանի աշխարհաքաղաքական ընտրության առումով կատարում է կարեւորագույն՝ Եվրամիությանը ինտեգրվելու` Նիկոլի գծին ընդդիմադիր դեր: 

ՍԻՄ կուսակցության նախագահ, «Ուժեղ Հայաստանը Ռուսաստանի հետ» շարժման համակարգող Հայկ Բաբուխանյանը այս կապակցությամբ նշում է, որ «մեր շարժումը, որի մեջ մտնում են ՍԻՄ-ը, «Ալյանսը» եվ շատ այլ կուսակցություններ եվ ՀԿ-ներ, այս ուղղությամբ արդեն 5 տարի է ինչ պայքարում ենք: Մենք մշտապես հանդես ենք եկել Հայաստանի ԵԱՏՄ-ում մնալու եվ տնտեսապես զարգանալու օգտին: Ես որպես ԱԺ պատգամավոր 2012 թվականից ամենաակտիվ կերպով հանդես էի գալիս ԵԱՏՄ-ի օգտին, իսկ մեր շարժումը անց է կացրել մի շարք կոնֆերանսներ, կլոր սեղաններ, միջազգային ֆորումներ, որտեղ գիտականորեն ապացուցվում էր Հայաստանի համար ԵԱՏՄ-ի անդամակցության կարեվորագույն գործոնը, առանց որի հնարավոր չէ ոչ միայն զարգացնել տնտեսությունը այլեւ պահպանել Հայաստանի ինքնիշխանությունը եվ, անգամ, պետականությունը:

Այժմ մենք ձեվավորում ենք հանրաքվեի համակարգիչ խորհուրդ, որը ներկայիս փուլում զբաղվելու է եւ ստորագրահավաքով, եւ քարոզչական աշխատանքով: Ես դիմում եմ բոլոր կուսակցություններին, շարժումներին, հասարակական միավորումներին, ապրանք արտադրողներին եւ արտահանողներին, կոչ անելով միանալ մեր «Եվրասիական Ալյանսին» եւ մաս կազմել այդ քաղաքացիական նախաձեռնության համակարգիչ խորհրդին: Հայաստանի ապագան որոշվելու է ոչ թե Ազգային  ժողովում, այլ վերոհիշյալ հանրաքվեում, ուստի կոչ եմ անում նաեւ խորհրդարանական ընդդիմությանը` «Ուժեղ Հայաստան» եվ «Հայաստան» դաշինքներին միանալ մեր նախաձեռնությանը եվ միասնաբար կառուցել Հայաստանի ապագան»: 

 

 

Հավանեցի՞ր հոդվածը, կիսվիր ընկերներիդ հետ