Ալենի թիմը ցրվում է. ով որտեղ է հանգրվանում
Իրավունք 30
Իշխող «Քաղաքացիական պայմանագիր» խմբակցությունում մեծ խանդավառությամբ են ընդունում լուրերն այն մասին, որ ԱԺ նախագահի պաշտոնից հեռացող ԱԼԵՆ ՍԻՄՈՆՅԱՆԻ հետեւից նաեւ նրա կադրերն են հեռանում խորհրդարանից:
Ազգային ժողովի կուլիսներում շրջանառվող շշուկների համաձայն, մասնավորապես՝ ՔՊ-ականներին ուրախացրել է Ալեն Սիմոնյանի խորհրդական ԱՇԽԵՆ ՀԱՅՐԱՊԵՏՅԱՆԻ ազատվելն աշխատանքից: Ասում են, թե վերջինս այս կամ այն ՔՊ-ական պատգամավորի գործուղման մեկնել-չմեկնելու հարցում ուներ վճռորոշ դերակատարություն: Նույն աղբյուրների փոխանցմամբ՝ օրինակ, գործուղման մեկնողների ցանկից «սեւ ցուցակում» կարող էր հայտնվել նա, ով «ոչ թե ջիգյարով, այլ՝ թեթեւի մեջ է խմել Սիմոնյան Ալենի կենացը», ինչը չի վրիպել Աշխենի աչքից:
Իհարկե, թե ինչ են խոսում Աշխեն Հայրապետյանի հետեւից Ազգային ժողովում, հավանաբար, նրան քիչ է հուզում: Մեզ հասած տեղեկություններով՝ կարեւորը նա արդեն նոր աշխատանքի վայր ունի՝ ո՛չ ավել, ո՛չ պակաս ՀՀ նախագահի աշխատակազմում: Ասում են՝ ՔՊ-ականները նույնիսկ կատակում են. «Աշխենն Ալեն Սիմոնյանին ոչ այնքան խորհուրդներ տալով էր աչքի ընկնում, որքան կենցաղային բնույթի հարցերում էր օգտակար լինում: Հիմա նախագահականում ի՞նչ պիտի անի, Վահագն Խաչատուրյանի վերնաշապիկները արդուկի՞»:
Ի դեպ, բավական ուշագրավ է նախագահականում Աշխեն Հայրապետյանի աշխատանքի անցնելու մասին լուրերը՝ այն համատեքստում, որ նրա անվան հետ էր կապվում այն, որ վերջին շրջանում մամուլում ակտիվ շրջանառվում էր, թե նախագահ Վահագն Խաչատուրյանն առաջիկայում պաշտոնանկ է արվելու եւ նախագահի աթոռին կարող է հավակնել Սիմոնյան Ալենը: Քաղաքական կուլիսներում շշուկներ էին պտտվում, որ հենց Աշխենն է այս թեման դրել ակտիվ շրջանառության մեջ:
Աշխեն Հայրապետյանից բացի, Ազգային ժողովից իր իրերն է հավաքում նաեւ Ալեն Սիմոնյանի մամուլի քարտուղար ՄՈՎՍԵՍ ՀԱՐՈՒԹՅՈՒՆՅԱՆԸ: Թե ուր կհանգրվանի նա, անորոշ է, համենայնդեպս, այն, որ ԱԺ ապագա նախագահ Ռուբեն Ռուբինյանի հետ չի աշխատի, այլեւս փաստ է։
Խոստումնալից չէ նաեւ ԱԺ աշխատակազմի ղեկավար ԴԱՎԻԹ ԱՌԱՔԵԼՅԱՆԻ ճակատագիրը: Վերջինիս, կարծես թե, տեղավորել ՀՀ նախագահի աշխատակազմում չի ստացվում: Նրան աշխատակազմի ղեկավարի պաշտոնում դասավորել էր ՔՊ-ական պատգամավոր ՀԱՍՄԻԿ ՀԱԿՈԲՅԱՆԸ, որը նախկինում եղել է Ալեն Սիմոնյանի օգնականը: Բայց, ԱԺ-ից Ալեն Սիմոնյանի հեռանալուց հետո՝ Հասմիկ Հակոբյանի դիրքերն էլ առաջվանը չեն:
Թերեւս ալենական կադրերից միայն Հասարակայնության հետ կապերի եւ հաղորդակցության վարչության պետ ԼԱՈՒՐԱ ԱՆՏՈՆՅԱՆՆ է, որ դեռ մնում է Ազգային ժողովում: Նա մտերմություն է անում ՔՊ-ի ԱԺ նախագահի թեկնածու Ռուբեն Ռուբինյանի կնոջ՝ Մարիամ Հաջի-Հակոբյանի հետ, որը եւս աշխատում է ԱԺ-ում որպես գլխավոր մասնագետ: Թե արդյոք սրանով պայմանավորված՝ նա կպահպանի իր դիրքերը, ցույց կտա ժամանակը:
Սեփ. լրատվություն
Գևորգ Թորոսյանը նշանակվել է Քաղաքացիական ավիացիայի կոմիտեի նախագահ
Նույնիսկ Արամ Զավենիչը չի վստահում Արեւմուտքի խոսքերին
Զելենսկու մերձավոր շրջապատը շոկի մեջ է Թրամփի՝ նախագահ փոխելու պահանջներից. Bild
Ժամանակն է, որ Ուկրաինան նոր նախագահ ունենա. Թրամփ
1
4394 դիտում
2
1598 դիտում
3
1390 դիտում
4
1347 դիտում
5
1235 դիտում
1
31460 դիտում
2
19515 դիտում
3
11458 դիտում
4
11417 դիտում
5
8403 դիտում
3
17750 դիտում
