Ինձ համար առանձնահատուկ տեղ ունի նրա կերտած Գարեգին Նժդեհի կերպարը, դա պարզապես դեր չէր, դա առաքելություն էր. Հրաչ Քեշիշյան
Մշակութային
Ռեժիսոր Հրաչ Քեշիշյանը ցավակցական խոսք է հղել ՀՀ վաստակավոր արտիստ Արտաշես Ալեքսանյանի մահվան կապակցությամբ։
«Խոր ցավով ընդունեցի Արտաշես Ալեքսանյանի մահվան լուրը։
Հեռացավ դերասան, որի ներկայությունը միշտ ավելին էր, քան պարզապես բեմական կամ կինոյի կերպարը։ Նա ուժեղ անհատականություն էր, արժանապատիվ մարդ, սիրող հայր, հավատարիմ ընկեր։ Նրա հուժկու ձայնի, ազդեցիկ արտաքինի ու աժդահա կերպարի ներքո ապրում էր նուրբ, խորը և չափազանց զգայուն մարդ, որը մեծ պատասխանատվությամբ էր վերաբերվում թե՛ իր մասնագիտությանը, թե՛ իր երկրին։
Ինձ համար առանձնահատուկ տեղ ունի նրա կերտած Գարեգին Նժդեհի կերպարը։ Դա պարզապես դեր չէր։ Դա առաքելություն էր, որը նա կրեց մեծ նվիրումով, ներքին հավատով ու պատասխանատվությամբ։ Կարծում եմ՝ նա մարմնավորեց մեր ժամանակների հայկական կինոյի ամենակարևոր պատմական կերպարներից մեկը՝ ստեղծելով Նժդեհի այնպիսի կերպար, որը երկար կմնա մեր մշակութային հիշողության մեջ։ Այդ դերը նրա համար իսկապես տիտղոսային էր։
Արտաշեսը խոր հայրենասեր մարդ էր։ Նա սիրում էր իր երկիրը ոչ թե խոսքերով, այլ իր վերաբերմունքով, աշխատանքով ու ապրած կյանքով։
Անկեղծ ցավակցություններս եմ հայտնում նրա ընտանիքին, հարազատներին, ընկերներին, գործընկերներին և բոլոր նրանց, ովքեր ճանաչել ու սիրել են նրան։
Լուսավոր հիշատակ, Արտաշես։ Քո ձայնը, քո հայացքը և քո ստեղծած կերպարները կմնան մեզ հետ»,- նշել է Քեշիշյանը։
Այս հաղթանակը նաեւ մեր դասականներին է, որոնք մեզ հետ չեն. Միլիտոնյան
Շատ քչերը գիտեն այս մասին․ ինչու տեւական ժամանակ լռեց երգիչ Մրեն
ՅՈՒՆԵՍԿՕ-ի գլխավոր տնօրենը Զվարթնոցում քննարկել է մշակութային ժառանգության պահպանության հարցերը
Իսկ ո՞վ է հիմարը. «Ընթրիք հիմարի հետ» պիեսը խորհելու առիթ է տալիս
1
4224 դիտում
2
2424 դիտում
3
2146 դիտում
4
1774 դիտում
5
1574 դիտում
1
31465 դիտում
2
19585 դիտում
3
11467 դիտում
4
11417 դիտում
5
8478 դիտում
3
17770 դիտում
