ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին Արարատի մարզը՝ «կոկորդիլոսագետ» Գարիկի կուռացիայի տա՞կ

ԴՕԿ-ը միակ ուժն էր, որը հրապարակայնորեն մերժեց թե՛ նախկին իշխանություններին, թե՛ գործող իշխանությանը

Տեսանյութեր

Սահմանադրական Դատարանի որոշումը կարող է ավարտել կոնկրետ դատական վարույթը, բայց չի կարող ինքնին վերացնել այն հանրային և իրավական հարցերը, որոնք առաջացել են ընտրական գործընթացի վերաբերյալ։ Մեր գնահատմամբ՝ ընտրությունների օրինականության շուրջ բարձրացված հիմնարար հարցերը շարունակում են մնալ հանրային քննարկման առարկա,-այսօր «Իրավունք TV»-ի ուղիղ եթերում անդրադառնալով ՍԴ որոշմանը եւ դրա հետեւանքներին, ասաց «Իրավունք» թերթի եւ համանուն կայքէջի բազմահազար հետեւորդների սերն ու վստահությունը վայելող, աղմկահարույց գործերով իրավապաշտպան, ՍԴ-ում իրավաբանության մաստեր-կլասով առանձնացող, «Լեվ Գրուպ» փաստաբանական ընկերության հիմնադիր-ղեկավար, «ԴՕԿ» կուսակցության շտաբի պետ Լեվոն Բաղդասարյանը.

-Պարոն Բաղդասարյան, Ձեր գնահատմամբ՝ նախընտրական քարոզարշավն արդյո՞ք եղել է հավասար մրցակցային պայմաններում։

- Ո՛չ։ Մեր գնահատմամբ՝ վարչական ռեսուրսի կիրառման, ընտրողների վրա ապօրինի ազդեցության և ընտրակաշառքի լայնածավալ կիրառման մասին հրապարակային տեղեկությունները լրջորեն կասկածի տակ են դնում մրցակցության հավասար պայմանների ապահովվածությունը։

-  Դուք պնդում եք, որ այդ ամենի հետևանքով ԴՕԿ կուսակցությունն է ամենաշատը տուժել։ Ինչո՞ւ։

- ԴՕԿ կուսակցությունը միակ քաղաքական ուժն էր, որը հրապարակայնորեն մերժեց թե՛ նախկին իշխանություններին, թե՛ գործող իշխանությանը։ Մենք հանդես եկանք ինքնուրույն օրակարգով և չներգրավվեցինք որևէ բևեռում։ Մեր գնահատմամբ՝ այդ հանգամանքն է պատճառներից մեկը, որ ընտրական գործընթացի խախտումները հատկապես անդրադարձան մեր քաղաքական ուժի արդյունքների վրա։

Վարչապետը ընտրություններից հետո հայտարարեց, որ ընտրակաշառքը ազդեցություն է ունեցել ընտրությունների արդյունքների վրա։ Ինչպե՞ս եք գնահատում այդ հայտարարությունը։

- Եթե երկրի վարչապետը հրապարակայնորեն ասում է, որ ընտրակաշառքն ազդել է ընտրությունների արդյունքների վրա, ապա նման հայտարարությունը պետք է ստանա իրավական գնահատական։ Ժողովրդավարական պետությունում նման հայտարարությունները չեն կարող մնալ առանց իրավական արձագանքի։

Հ. Գ. Հայտնի իրավապաշտպանի բացառիկ զրույցին կարող եք ծանոթանալ այցելելով «Իրավունք TV»-ի յութուբյան ալիք, ինչպես նաեւ կարդալ տեքստային տարբերակը «Իրավունք» թերթի առաջիկա տպագիր համարում։ 

Հավանեցի՞ր հոդվածը, կիսվիր ընկերներիդ հետ