Բացառում եմ. Փաշինյանը՝ 2013 թ. Մաքսային միության ուղղությամբ գնալու որոշման կրկնության մասին
Բացառո՞ւմ եմ արդյոք այն իրավիճակը, ինչպիսին եղավ 2013 թվականին, երբ Հայաստանը մեկ կամ երկու գիշերվա ընթացքում հրաժարվեց ԵՄ-ի հետ Ասոցացման համաձայնագիր ստորագրելու արդեն իսկ պայմանավորված գործընթացից և որոշում կայացրեց գնալ ԵԱՏՄ-ի կամ Մաքսային միության ուղղությամբ։ Հարցին պատասխանեմ կարճ և կոնկրետ՝ այո, բացառում եմ։ Այդ մասին Եվրոպական հանձնաժողովի նախագահ Ուրսուլա ֆոն դեր Լայենի հետ համատեղ ասուլիսին ասաց վարչապետ Նիկոլ Փաշինյանը։
«Դա հնարավոր չէ, առավել ևս հիմա, երբ ՀՀ ժողովուրդը հստակ աջակցություն է հայտնել այն քաղաքականություններին, որ վարում է ՀՀ-ն, և մասնավորապես՝ բալանսավորված և բալանսավորման արտաքին քաղաքականությանը։
Մյուս կողմից, ինչպես հայտարարել ենք, մենք խնդիր երբեք չենք դրել, չունենք և չենք դնի ճգնաժամ ստեղծել Հայաստանի Հանրապետության և Ռուսաստանի Դաշնության հարաբերություններում։ Մենք գործում ենք մեր երկրի շահերի շրջանակներում, և, բնականաբար, մենք ոչ մի միջազգային գործընկերոջ շահերը չենք արհամարհում։ Բայց, մյուս կողմից, որևէ այլ գործընկերոջ շահերը չենք կարող ավելի բարձր դասել, քան ՀՀ-ի շահերը, և սա, կարծում եմ, տրամաբանական է ցանկացած երկրի համար»,- նշեց Փաշինյանը։
Ինչ վերաբերում է ՌԴ-ի կառավարության ղեկավարի հետ երեկվա հեռախոսազրույցին, ապա վարչապետը նշեց, որ այն տեղի է ունեցել իր նախաձեռնությամբ։ «Հարցերի քննարկման շրջանակը հաղորդագրության մեջ ներկայացված է։ Պայմանավորվել ենք, որ առաջիկայում ավելի մանրամասն քննարկումներ կունենանք»,- ասաց նա։
Թուրքիան, Ադրբեջանն ու Վրաստանը քննարկել են մաքսային համագործակցությունը
Ղարաբաղյան պատերազմի վետերանների միությունը հայտարարությամբ է հանդես եկել
Հայաստանում հինգ ընկերություններ մաքսային արտոնություններ են ստացել
1
5675 դիտում
2
4059 դիտում
3
2229 դիտում
4
1923 դիտում
5
1908 դիտում
1
31460 դիտում
2
19485 դիտում
3
11458 դիտում
4
11407 դիտում
5
8328 դիտում
3
17726 դիտում
