Այսուհետ արգելվում է այլմոլորակայիններին պատասխանել կամ ՉԹՕ-ներին ազդանշաններ ուղարկելը

Այլմոլորակայիններին անմիջապես պատասխանել և ՉԹՕ-ներին ազդանշաններ ուղարկելը այլևս թույլատրված չէ. դուք նախ պետք է համաձայնեցնեք ՄԱԿ-ի հետ, թե ինչպես և ինչ ասել։

Սա ամենայն լրջությամբ նշված է Աստղագնացության միջազգային ակադեմիայի հռչակագրում։

Արձանագրությունը վերաբերում է այլմոլորակային ինտելեկտի որոնմանը մասնակցող գիտնականներին։ Այն պահանջում է, որ այլմոլորակայինների հայտնաբերման դեպքում նրանք նախ անհապաղ և բացահայտորեն տեղեկացնեն հանրությանը, գիտական ​​հանրությանը և ՄԱԿ-ի գլխավոր քարտուղարին, ապա պաշտոնական զեկույց ներկայացնեն մի շարք միջազգային կազմակերպությունների։

Լավ, է, որ պահանջում են միայն գիտնականներից: Այլապես պատկերացնո՞ւմ եք, հանգիւստ գնում ես փողոցով, մեկ էլ մի այլմոլորակային մոտենում է ու, օրինակ, հարցնում, թե Կարապետյանին միավորվելու համար ո՞ւր է պետք դիմել: Չասես, կմտածեն, թե ընդդիմության լավը չես ուզում: Ասես, ՄԱԿ-ում կվիրավորվեն, թե գլխներիցս թռնում ես: Հիմա այդ դարդը թողել են միայն գիտնականներին, իսկ շարքային մահկանացուները հանգիստ կարող են այլմոլորակայինների հետ շփվել:

Մյուս կողմից էլ, վատ է, որ աշխարհում դեբիլիզմն այսպիսի ծաղկում է ապրում:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝