Ծիրանի ծառ բար մի տա, դարդերս իրար մի տա. ԸՆԿԵՐ ՓԱՆՋՈՒՆԻ

23.06 +

ԲԱԼԱՆՍԻՐՈՎԿԱ

Ըստ սեքսոպատոլոգների` հայաստանյան վերջին ընտրությունները ցույց տվեցին, որ Ռուսաստանի հետ «ավանդական» հարաբերությունների եւ արեւմտյան «էքստրեմալ» հարաբերություններ գերադասողների թիվը գրեթե հավասար է։

**

ՌՈՒԲԻԿՈՆԻՆ ՍՊԱՍԵԼԻՍ

(ՆԱԽԻՋԵՎԱՆՈՒՄ ԻԼՀԱՄԻ ԿՈՂՄԻՑ ԱՆՑԿԱՑՎԱԾ «ԱՐԵՎՄՏՅԱՆ ԱԴՐԲԵՋԱՆ» ԱՆՎԱՆՈՒՄԸ ԿՐՈՂ ՖՈՐՈՒՄԻ ԱՆՑԿԱՑՄԱՆ ԿԱՊԱԿՑՈՒԹՅԱՄԲ)

Ըստ ցեղասպանագետների` վերոնշյալ ֆորումը եւս մեկ անգամ ցույց է տալիս, որ Զանգեզուրի ու անգամ ողջ Հայաստանին  սպառնացող վտանգի նկատմամբ հայ ընդդիմադիրների ահազանգը զուր չի։

 **

ԴԻԼԵՄԱ

Ըստ հեղափոխության մասնագետների` Նիկոլի` ընդդիմադիրներին ուղղված` «դուրներդ չի՞ գալիս, գնացեք, հեղափոխություն արեք>> հայտարարությունից հետո ՀՅԴ-ն ելքեր է փնտրում, թե ոնց անի, որ հա՛մ ԱԺ մտնի, հա՛մ հեղափոխություն չանի, հա՛մ էլ հեղափոխական մակդիրը պահպանի։

**

ԴԱՍԱԿԱՆ

(ՍԴ - Ն ԱԺ ԸՆՏՐՈՒԹՅՈՒՆՆԵՐԸ ՉԵՂԱՐԿԵԼՈՒ` ԸՆԴԴԻՄՈՒԹՅԱՆ ՀԱՅՑԱԴԻՄՈՒՄՆԵՐԸ ՎԱՐՈՒՅԹ ԸՆԴՈՒՆԵԼՈՒՑ ՀԵՏՈ)

ՍԴ - ն շատ բան է պարտակել, այս բողոքներն էլ կպարտակի։

 **

ԳԵՎՈՐԳ ՊԱՊՈՅԱՆԻ ԵՐԳԸ

(ՌՈՒՍԱՍՏԱՆԻ ԿՈՂՄԻՑ` ԾԻՐԱՆԻ ԲԵՐՔԻ ԱՐՏԱՀԱՆՈՒՄ ԱՐԳԵԼԵԼՈՒ ԿԱՊԱԿՑՈՒԹՅԱՄԲ)

Ծիրանի ծառ բար մի տա,

 Դարդերս իրար մի տա։

**

ԲՎԵՃԻ ՍԻՆԴՐՈՄ

Ըստ ընդդիմադիր լայն ճակատի` «Ուժեղ Հայաստանից» միայն Էդգար Ղազարյանն է ակտիվ խոսում, իսկ մնացածը չեն խոսում, բայց շատ ուշադիր լսում են։

**

ԱՆՆԱ ՀԱԿՈԲՅԱՆԸ` ՉԻՆԱԿԱՆ ԻՄԱՍՏՈՒԹՅԱՆ ՈՃՈՎ

Թույլ Նիկոլը հաղթում է «Ուժեղ Հայաստանին»

**

ՀԴՄ-ՈՎ ԵԿԵՂԵՑԻՆ

Առաջներում եկեղեցուն տասնոդ էին տալիս, իսկ Նիկոլի վախտով եկեղեցին է տալիս։

**

ԿԻՍԱԷՐՈՏԻԿ ՆՈՐՈՒԹՅՈՒՆՆԵՐ

Երեւանի քաղաքապետարանից հայտնում են, որ Ամիրյան փողոցը անվանափոխել են Պապ թագավորի անվամբ, իսկ կառավարական ամառանոցին հարող Պռոշյան փողոցը Աննա Հակոբյանի պատվին կկոչեն «Էրատո» ջոկատի անվամբ։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝