«Ժողովուրդ». Հայաստանի իշխանական շրջանակներում սպասում են՝ Մոսկվայից հրավեր կուղարկվի՞
Մամուլի տեսություն
«Ժողովուրդ» օրաթերթը գրում է. ««Ռուսաստանի Դաշնության Պետդումայի ընտրությունները նշանակվել են սեպտեմբերի 20-ին, և, «Ժողովուրդ» օրաթերթի տեղեկություններով, Հայաստանի իշխանական շրջանակներում արդեն հետաքրքրված սպասում են՝ արդյոք Մոսկվայից այս տարի ևս հրավեր կուղարկվի ընտրություններին մասնակցելու դիտորդական առաքելության կարգավիճակով։
Հիշեցնենք, որ 2021 թվականի Պետդումայի ընտրությունների ընթացքում հայկական պատվիրակությունը մասնակցել էր որպես դիտորդական առաքելություն՝ փաստացի ընդգրկվելով ընտրական գործընթացի միջազգային գնահատման շրջանակում։ Այդ ժամանակ հայ-ռուսական հարաբերությունները, թեև առանց խնդիրների չէին, բայց դեռևս չէին հասել ներկայիս լարվածության աստիճանին։
Այսօր իրավիճակն այլ է։ Երևանի և Մոսկվայի միջև քաղաքական տարաձայնությունները, ՀԱՊԿ-ի շուրջ զարգացումները, ինչպես նաև երկկողմ հարաբերություններում նկատվող սառնությունը նոր ենթատեքստ են հաղորդում նույնիսկ նման արարողակարգային բնույթի հրավերներին։ Եթե հրավեր լինի, դա կարող է ընկալվել որպես երկխոսության պահպանման ազդակ։ Եթե ոչ, ապա դժվար թե դա պարզապես տեխնիկական որոշում համարվի։
Ուշագրավ է նաև, որ Հայաստանի իշխանությունները, որոնք վերջին տարիներին հաճախ են խոսել ժողովրդավարական արժեքների և ընտրական գործընթացների միջազգային չափանիշների մասին, այս անգամ ևս պատրաստակամ են մասնակցել ռուսական ընտրությունների դիտարկմանը։ Մինչդեռ միջազգային բազմաթիվ կառույցներ տարիներ շարունակ հարցադրումներ են բարձրացրել Ռուսաստանում քաղաքական մրցակցության, ընդդիմության գործունեության սահմանափակումների և ընտրական գործընթացների թափանցիկության վերաբերյալ։
Այսպիսով, մինչև սեպտեմբերի 20-ը Երևանում սպասում են ոչ միայն ընտրությունների օրվան, այլ, նախևառաջ, Մոսկվայից եկող հնարավոր հրավերին։ Իսկ այդ հրավերը, անկախ բովանդակությունից, կարող է դառնալ հայ-ռուսական հարաբերությունների հերթական քաղաքական մեսիջը»:
Առավել մանրամասն թերթի այսօրվա համարում
Te;s naeu https://t.me/iravunk/68564
«Հրապարակ». ՀՖՖ-ում Փաշինյանի «դաբրոյին» են սպասում
Անկլավների մասին խոսելիս միշտ պետք է մտապահենք, որ անկլավների իրավական հիմքի վերաբերյալ դեռևս տեղեկություններ չունենք. Քարտեզագիր
Ուկրաինային «սև ձմեռ» է սպասում. Ուկրաինական աղբյուր
«Հայաստանի և Թուրքիայի սահմանի փակ լինելն անտրամաբանական է»․ Մուրաթ Օնայ
1
4150 դիտում
2
2390 դիտում
3
2146 դիտում
4
1666 դիտում
5
1493 դիտում
1
31465 դիտում
2
19577 դիտում
3
11467 դիտում
4
11417 դիտում
5
8469 դիտում
3
17770 դիտում
