Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Տակնուվրա են արել ԱԱԾ գնդապետի կալանավորված որդու բանտախուցը․ ինչ են փնտրել

Իրավական

Դիմակավորված գրոհ ԱԱԾ գնդապետ Միհրան Մովսիսյանի որդու խուցում․ լարված վիճակ Նուբարաշենի բանտի 7-րդ մասնաշենքի 12-րդ խցում․ ի՞նչ են փնտրել

ArmLur.am-ին հասած տեղեկությունների համաձայն՝ հունիսի 14-ին Նուբարաշենի բանտի ծառայողները դիմակավորված «գրոհել» են Նուբարաշենի բանտի 7-րդ մասնաշենքի 12-րդ խուցը։ Դիմակավորված իրավապահների գործողությունների մասին ահազանգել է ՀՀԿ-ական պատգամավոր Առաքել Մովսիսյանի հորեղբորորդին՝ ԱԱԾ գնդապետ Միհրան Մովսիսյանի որդին Ռոբերտ Մովսիսյանը, որը գտնվում է Նուբարաշենի բանտում։

ArmLur.am-ին հասած տեղեկությունների համաձայն՝ տակնուվրա են արել խուցերը, ՔԿ ծառայողները եղել են դիմակավորված։ Իրավապահների գործողությունների մասին նաև ահազանգել է «Հայաստան» դաշինքի անդամ Նարեկ Մանթաշյանը և հայտնել, որ «Նուբարաշեն» քրեակատարողական հիմնարկից ահազանգ է ստացել։

«Ինձ փոխանցված տեղեկությունների համաձայն՝ այսօր առավոտյան ժամը 07:00-ից սկսած իրականացվել են խուզարկություններ, որոնք, ըստ այնտեղ գտնվող անձանց, ուղեկցվել են նվաստացնող և անմարդկային վերաբերմունքի տարրերով։ Նշվում է, որ խցերից մեկում՝ մասնավորապես 7-րդ մասնաշենքի 12-րդ խցում, անձնական իրերը թափվել են հատակին, ինչն առաջացրել է լարված իրավիճակ։

Ինձ նաև տեղեկացրել են, որ տեղի ունեցածի հետևանքով հուզական ծանր վիճակում գտնվող անձանց շրջանում խոսակցություններ են եղել ինքնավնասման վերաբերյալ»։

Ի պատասխան ահազանգի՝ ՔԿ լրատվական ծառայությունից հայտնել են, որ «Նուբարաշեն» քրեակատարողական հիմնարկում, ինչպես և մյուս քրեակատարողական հիմնարկներում, օրենքով սահմանված կարգով ծառայողներն իրականացնում են իրենց գործառույթներից բխող պարտականությունները, այդ թվում՝ խուզարկություններ՝ արգելված իրերի շրջանառության դեմ պայքարի շրջանակներում։

Հիշեցնենք, որ Միհրան Մովսիսյանը 2016 թվականին ձերբակալվել էր՝ Հայաստանից 200 մլն դոլարի ուրան հանելու և ապօրինի ճանապարհով Թբիլիսիում իրացնելու գործով։

Հավանեցի՞ր հոդվածը, կիսվիր ընկերներիդ հետ