Դարի գողությունը և 300 կիլոգրամ ձուկ. Մունդիալն ընթանում է «փայլով»

Անգլիայի հավաքականը աշխարհի առաջնության մեկնարկից անմիջապես առաջ մնաց առանց խաղակոշիկների և հիմնական սարքավորումների։ Հունիսի 12-ի լույս 13-ի գիշերը անհայտ անձինք ներխուժեցին մարզական բազայից բեռներ տեղափոխող միկրոավտոբուսներ։ Գողացան աստղերի անհատականացված ֆուտբոլային կոշիկները, մրցաշարի գրեթե բոլոր պաշտոնական գնդակները և մարզական սարքավորումների զգալի քանակություն՝ մարտավարական տախտակներ, վերլուծական սարքավորումներ, մերսման սեղաններ և այլ սարքավորումներ։

Անգլիայի ֆուտբոլի ասոցիացիան շտապ փնտրում է փոխարինող, բայց նոր բազայում առաջին մարզումը, ըստ բրիտանական մամուլի, բավականին լարված էր։ Մինչև Խորվաթիայի դեմ մեկնարկային խաղը մնացել է ընդամենը երեք օր։

Իսկ ահա Նորվեգիայի հավաքականը որոշել է չհույսը դնել տանտերերի վրա և լիարժեք պաշարներով ժամանել աաջնությանը։ Նրանք իրենց հետ բերեցին 300 կգ ձուկ, 6000 նարինջ, 116 կգ պանիր և խոհարարներ։ Այդպես ավելի անվտանգ է, հակառակ դեպքում երբեք չգիտես, թե ինչ կարող են առաջարկել տեղացիները կամ Թրամփի մտքով ինչեր կանցնեն։

Տե´ս նաեւ https://t.me/iravunk/68412 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝