Չես հավատում` գնա հաշվիր. Ալլա Հակոբյան

Մշակութային 17 Հունիս, 2026 13:54

«Աղքատություն կոչեցյալը

Ձեր գլխում է... Հաղթահարե՛ք...», -

Իրենից գոհ այսպես ասեց

Ու աթոռին վարչապետի

«Քայլող մարդը» եկավ, բազմեց...

Ութը տարի կլեյվել է` պոկ չի գալիս,

Թեպետ որպես «կառավարիչ»

Սա ամե՛ն ինչ տանուլ տվեց`

Թե՛ դարերի խորքից եկած

Կրթությունն ու գիտությունը,

Թե՛ ՀՈՂԵՐԸ մեր ՀԱՅԿԱԿԱՆ

Աստծո՛ Կամոք` ՀԱՅԻՆ տրված...

Սրա՛ օրոք` մեզնից խլված...

Ու դեռ այսօր հոխորտում է.

«Կկզցնեմ, գլուխ կջարդեմ,

Ձեզ բոլորիդ «БОМЖ» կդարձնեմ...»

Սա՛ է սրա նախընտրական

Կարգախոսն ու «ծրագիրը»...

Зато սրա ուսուցիչը,

Ով տասնհինգ квартал-ից էր

Գործի գնում, հայտարարագրում

Ներկայացրեց դոլարային

Երեք միլիոն կարողություն...

Դե, հիշում եք, թե ոնց հանկարծ

Խմբակցության ղեկավարի

Պոստը լքած ուսուցիչը

Ի հայտ եկավ` դեսպան դարձած...

Էլ ի՜նչ տաքսի, կամ ավտոբուս....

Այսօր ՆԱԽԿԻՆ դասատուի

Դո՛ւռն են բացում «ՊԱԴԱՎԱՏ»-ի...

Էն ատելի «ՆԱԽԿԻՆ»-ներից

Միայն սրա՛ բախտը բերեց`

Մշակույթը իր մեջ պահած

ՆԱԽԿԻ՛Ն լեզվի էս դասատուն

2018-ին

ՆՈ՛Ր նախարար դարձավ հանկարծ,

Հետո` դեսպան ԱՄՆ-ում...

Հիմա` դարձյալ նախկի՛ն սանին

Դաս է տալիս, advise անում`

Անվանումն է միայն փոխվում...

Այս դեսպանը ԱՄՆ-ից

Միլիոնատեր վերադարձավ

Ու խորհրդականը դարձավ

Իր սիրելի աշակերտի`

Ով որ վաղուց` հաղթահարա՛ծ

Անշուք կյանքը «աղքատության»,

Սուլթանավայել է ապրում...

Սակայն սրան մի՛ նախանձեք,

Այլ հետեւեք սան-դասատու

Այս tandem-ի օրինակին,

Որ վերջապես դո՛ւք էլ նույնպես

Ձերբազատվեք չարաբաստիկ

Թշվառ ու խեղճ աղքատ կյանքից...

Դրա համար հարկավոր է

Ոչ թե ցեղասպանությունը հիշել,

Այլ ներկայո՛վ ՄԻԱՅՆ ապրել`

Ամեն վայրկյան չհիշեցնել

Բռնաբարված տատիկներին

Ու գլխատված պապիկներին...

Թուրքին այժմ պետք է սիրել,

Նրա համար ճամփա բացել

Ու առեւտուր հետը անել...

Որ վերջապես (չեք հավատո՞ւմ),

Ոնց նիկոլն է ձեզ խոստանում,

Լինի հավերժ ԽԱՂԱՂՈՒԹՅՈՒՆ

Թուրքի հետ էլ` ՍԵՐՏ ՄԻՈՒԹՅՈՒՆ...

«Ժողովո՛ւրդն» է սա պահանջում!

Հայաստանի երե՜ք միլիոն

Հպա՜րտ, ազնի՜վ ՎԱՐՉԱՊԵՏՆԵ՛Ր

Երրո՜րդ անգամ ի՛նձ են ընտրում!

Բա ո՞նց չընտրեին... Հե՛նց ի՛մ օրոք`

Թե ազնիվ էին` սակայն աղքատ,

Հիմա դարձան, պարկեշտ, հպարտ,

Կարեւորը` չհայհոյող,

ՄԻԼԻԱՐԴԱՏԵՐ-ՏՐԻԼԻՈՆԱՏԵ՛Ր!

Ու հետայսու` աշխարհով մեկ,

Կփողփողա, կծածանվի

Երեք միլիոն ՓՉԱԾ սրտիկ!

Չես հավատում` գնա հաշվիր...

ԱԼԼԱ ՀԱԿՈԲՅԱՆ

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Չես հավատում` գնա հաշվիր. Ալլա Հակոբյան

Փոխարժեք