Հայաստանը ընտրելու է դավաճանության և դաշնակցի միջև. Զատուլին

Հայաստանը ընտրելու է դավաճանության և դաշնակցի միջև: Հայաստանում կայանալիք խորհրդարանական ընտրությունները «գոյության և ճակատագրական» են հայ և ռուս ժողովուրդների համար, քանի որ վարչապետ Նիկոլ Փաշինյանը երկիրը տանում է դեպի Ռուսաստանի հետ լիակատար խզում:

Այս մասին հայտարարել է Ռուսաստանի Պետդումայի պատգամավոր Կոնստանտին Զատուլինը, Մոսկվայում կայացած ԱՊՀ ինստիտուտի 30-ամյակին նվիրված համաժողովում:

«Հայերը շահագործում են մեր միջև առկա առևտրատնտեսական հարաբերությունները, սակայն անցյալ տարի նրանք օրենք ընդունեցին Հայաստանի ԵՄ-ին անդամակցելու մասին:

Եվ ԵՄ երկրներն արդեն իսկ առաջ են մնացածից Ռուսաստանի հետ իրենց դիմակայության մեջ: ԱՄՆ-ն, գոնե բանավոր, նպատակ ունի վերջ դնել այս հակամարտությանը, մինչդեռ ԵՄ-ն ակնհայտորեն Ռուսաստանի թշնամին է և անում է ամեն ինչ, որպեսզի վնասի նրան:

Եվ հենց այս պահին «միութենական» Հայաստանի կառավարությունը ԵՄ անդամակցության ուղի է ընտրում՝ գիտակցելով, որ դա նշանակում է դուրս գալ Եվրասիական տնտեսական միությունից, որը վերջին տարիներին Հայաստանի բոլոր տնտեսական հաջողությունների աղբյուրն է եղել»,- ասաց Զատուլինը։

Նա հիշեցրեց, որ Ռուսաստանը դարեր շարունակ պաշտպանել է հայ ժողովրդին բնաջնջումից, սակայն պարզաբանեց նաեւ, որ Մոսկվան մասնակի պատասխանատվություն է կրում Արցախի (Լեռնային Ղարաբաղ) ոչնչացման համար։Տե´ս նաեւ https://t.me/iravunk/67703 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝