Մեկ էլ Տալլինի «X» գեյ-բարն էր բոյկոտել ռուսական օղին. ԶԱՐՄԱՆՔ
Զարմանք
«Ուժեղ Հայաստան» դաշինքի առաջին համար ՆԱՐԵԿ ԿԱՐԱՊԵՏՅԱՆԸ՝ գործարար Սամվել Կարապետյանի եղբորորդին, հաստատել է, որ 2022 թվականին մասնակցել է ՀՀ պաշտպանության նախարար Սուրեն Պապիկյանի հարսանիքին: Կարապետյանը, սակայն, չի հստակեցրել, թե ինչ նվեր է տարել նրան՝ նշելով, որ չի հիշում։ Մինչդեռ ավելի վաղ մամուլում հրապարակվել էր տեղեկություն, որ Կարապետյանը Պապիկյանին 100 հազար ԱՄՆ դոլար արժողությամբ նվեր է տվել: Փաստորեն, ստացվում է, որ Կարապետյանները 44-օրյա պատերազմի հետեւանքների հարցում ոչ միայն ըմբռնումով էին մոտենում Նիկոլ Փաշինյանի իշխանությանը, այլեւ նիկոլականների հետագա ուրախություննե՞րն էին կիսում: Ու եթե այս իշխանության հետ Կարապետյանների միակ հակասությունը եկեղեցու դեմ վարվող քաղաքականության վերաբերյալ է, կարո՞ղ է ինչպես Սուրբ Էջմիածնի վերաբացմանը, Սամվել Կարապետյանն ու Նիկոլ Փաշինյանը միասին մասնակցեն պատարագի, ցրվեն տներով, թե՞ նախընտրական քարոզարշավը ենթադրում է խայտառակվել երկուստեք ու մինչեւ վերջ:
Շարունակում է մեզ զարմացնել նաեւ «Հանրապետություն» կուսակցության նախընտրական ցուցակի առաջին համար եւ համանուն կուսակցության նախագահ ԱՐԱՄ Զ. ՍԱՐԳՍՅԱՆԸ: Նա, ո՛չ ավել, ո՛չ պակաս, ՀՀ քաղաքացիներին կոչ է արել Վ. Պուտինի «ինադու» բոյկոտել ռուսական օղիները: «Հարգելի՛ հայրենակիցներ, միայն այն դեպքում հրաժարվեք ռուսական օղուց, երբ կտեսնեք, որ այս յալանչին ձեզ այդպիսի կոչ անելուց հետո՝ տանն անջատել է ռուսական գազը եւ վառում է Դավալուի թրիք, մերժել ռուսական ցորենի ալյուրի հացն ու ուտում է Դավալուի յոնջայի թեփով պատրաստված հալվա, մերժել է ռուսական բենզինը, հեղուկ գազն ու քարոզարշավի է եկել օղուզ֊թուրքմենական ցեղատեսակի ձիով կամ ցախավելի վրա», - Արամ Զավենիչի կոչերին այսպես է արձագանքել պատմական գիտությունների թեկնածու Վահե Սարգսյանը: Ի դեպ, ակամայից հիշեցինք, որ տարիներ առաջ՝ դեռեւս 2013 թվականին, մեկ էլ Տալլինի «X» գեյ-բարն էր բոյկոտել ռուսական օղին։ Այս կերպ հաստատությունը բողոքում էր «Ռուսաստանում սեռական փոքրամասնություններին ճնշելու» դեմ։ Բոյկոտի մասին լրագրողներին հայտնել էր հաստատության աշխատակիցներից մեկը։ Նա հայտարարել էր, որ բարի սեփականատերն անձամբ է թափել ռուսական օղու պաշարը։ Աշխատակցուհին նշել էր նաեւ, որ բարը «ռուսների դեմ» ոչինչ չունի։ Մոտ օրերս ծրագրվում է անգամ «ռուսական տոն» կազմակերպել։
«Ուժը Հայրենյաց» կուսակցության նախագահ, 2021 թվականի ընտրությունների ժամանակ ՀՀ վարչապետի թեկնածու ՏԻԳՐԱՆ ԱՐԶԱՔԱՆՑՅԱՆՆ էլ հանդես է եկել կոչով, որը ոչ միայն զարմանք է առաջացնում, այլեւ լիովին անհասկանալի տպավորություն է թողնում։ Մարդն անդրադարձել է առաջիկա ընտրություններին եւ մի տեքստ է հրապարակել, որից անհնար է հասկանալ՝ ի վերջո ի՞նչ է առաջարկում հանրությանը՝ ընտրե՞լ իշխանությանը, թե՞ ընդդիմությանը։ Թե՞ պարզապես բոլոր կողմերի ականջներն է շոյում՝ ոչ մեկին ուղիղ չնեղացնելու հաշվարկով։ Արզաքանցյանը խոսում է «իմաստուն ընտրությունից», «պետական շահերից», «խաղաղությունից» ու «պատմական արդարությունից», բայց խուսափում է ամենակարեւորից՝ հստակ քաղաքական դիրքորոշում հայտնելուց։ Այնպիսի տպավորություն է, որ նա միաժամանակ փորձում է դուր գալ ե՛ւ իշխանությանը, ե՛ւ ընդդիմությանը՝ ոչ մեկի անունը չտալով, ոչ մեկին չքննադատելով, ոչ մեկի կողքին բացահայտ չկանգնելով։
ԶԱՐՄԱՑԱԾ Է «ԻՐԱՎՈՒՆՔ»-Ը
«Ժողովուրդ» . «Ուժեղ Հայաստանում» թեժ է
Ու՞մ համար է միայն բանկային սեվ ցուցակը գործում․ Վերաբացվում է Օֆշորային սկանդալը․ Հայտնի փաստաբանը բացահայտումներ է անում
Կալանավայրում սրտի կանգից մաhացել է «Ուժեղ Հայաստան»-ի Ստեփանավան համայնքի ղեկավարի թեկնածու Արսեն Գևորգյանը
Բանտում մահացել է Ստեփանավանի ընտրություններում «Ուժեղ Հայաստան»-ի թեկնածու Արսեն Գևորգյանը
1
7149 դիտում
2
4317 դիտում
3
3510 դիտում
4
2642 դիտում
5
2482 դիտում
1
31621 դիտում
2
19821 դիտում
3
13862 դիտում
5
5062 դիտում
4
11605 դիտում
5
11556 դիտում
