Աշխարհը երեխաների աչքերով. Երեւանում կկայանա ցուցահանդես
Մշակութային
Մայիսի 28-ին, Երևանը կլցվի վառ գույներով ու մանկական ժպիտներով: Հայաստանի Նկարիչների միությունում և Շառլ Ազնավուրի հրապարակում տեղի կունենա «Խաղաղություն» երկրորդ միջազգային մանկապատանեկան մրցույթ-ցուցահանդեսի մեծ եզրափակիչն ու հաղթողների պարգևատրման հանդիսավոր արարողությունը։
Այդ օրը մենք ոչ միայն հնարավորություն կունենանք հիանալու տաղանդավոր երեխաների աշխատանքներով, այլև կիմանանք հաղթողների անունները, ովքեր կստանան իրենց արժանի մրցանակները: Այս տարի նախագիծը մեծացել է ուղիղ երկու անգամ: Այն միավորել է ավելի քան 3000 շնորհալի երեխաների Հայաստանից և աշխարհի 18 երկրներից՝ Ֆրանսիայից, ԱՄՆ-ից մինչև Ուրուգվայից, Կանադայից, Կիպրոսից, Հնդկաստանից, Հորդանանից, Ռուսաստանից, Սիրիայից, Վրաստանից, Բելգիայից, Էստոնիայից, Անգլիայից, Թուրքիայից, Ավստրալիայից, Ռումինիայից, Բուլղարիայից Մեքսիկաից։
Երկու տարիքային խումբ
Խաղաղության մասին իրենց պատկերացումներով կիսվել են մինչև 10 տարեկան փոքրիկներն ու 10-15 տարեկան պատանիները: Միայն լավագույնները. Միջազգային ժյուրին (որի կազմում են առաջատար մասնագետներ Հայաստանից, Չեխիայից, Ֆրանսիայից և Չինաստանից) հսկայական աշխատանք է կատարել և եզրափակիչ ցուցադրության համար ընտրել 80 ամենատպավորիչ ու հուզիչ գործերը: Մրցանակներ ու դիպլոմներ կստանան ոչ միայն երիտասարդ նկարիչները, այլև նրանց հրաշալի ուսուցիչներն ու կրթօջախները, ովքեր օգնում են բացահայտել տաղանդներին:
Ո՞րն է այս ցուցահանդեսի գաղափարը
Յուրաքանչյուր նկար մի անկեղծ ու մաքուր լմանկական երազանք է խաղաղության, ընկերության ու բարության մասին: Երեխաները մեզ հետ խոսում են արվեստի տիեզերական լեզվով, որը հասկանալի է մոլորակի ցանկացած անկյունում: Նրանց ստեղծագործությունը մի մեծ ու լուսավոր կամուրջ է, որը միավորում է տարբեր մշակույթներ՝ հանուն ընդհանուր ու երջանիկ ապագայի: Նախագիծն իրականացվում է ՀՀ ԿԳՄՍ նախարարության աջակցությամբ և «Արհեստագործների միություն» մշակութային հիմնադրամի նախաձեռնությամբ։
Համեցեք ընտանիքով՝ ոգեշնչվելու մանկական անկեղծ արվեստով և աջակցելու մեր ապագա տաղանդներին:
«Փաստ». Խաղաղություն՝ առանց զիջումների. ի՞նչ է մտածել ընդդիմությունը
Այսօր աղջիկ երեխաների միջազգային օրն է
Ով եւ ինչ պայմանով կարող է ստանալ թաղման նպաստ
Միջազգային թատրոնի մասնագետները Երևանում են․ մեկնարկել է HFPAM-ը
1
4778 դիտում
2
4124 դիտում
3
2342 դիտում
4
2058 դիտում
5
1537 դիտում
1
31465 դիտում
2
19577 դիտում
3
11467 դիտում
4
11417 դիտում
5
8464 դիտում
3
17765 դիտում
