Սլավյանսկ-Կրամատորսկի ճակատում ռուսասական ուժերի լուրջ ձեռքբերում ունեն (Քարտեզ)

Սլավյանսկ-Կրամատորսկի ճակատում ռուսասկան ուժերի լուրջ ձեռքբերում ունեն: Ռուսների գրոհային խմբերը նկատելի առաջխաղացում են արձանագրել Կրիվայա Լուկայում և Ռայ-Ալեքսանդրովկա շրջանում (Քարտեզում)։

Կրիվայա Լուկա. այդ բնակավայրը գրավելով, ռուսական ուժերը, որոնք գործում են ավելի հյուսիս` Լիմանի ճակատում, հնարավորություն կունենան արագորեն վերահսկողության տակ վերցնել այս հատվածում Սեւերսկի Դոնեց գետի ողջ արեւելյան գոտին` խորացնելով Լիմանի շրջապատումը: Ավելի հյուսիս ռուսները գրոհում են Օսկոլի ջրամբարի եւ Սվյատոգորսկի ուղղությամբ, եւ Սեւերսկի Դոնեցի հատվածում առաջխաղացումը էապես կօգնի այդ գործողությանը: Սա Լիմանի համար նշանակում է շրջապատում, որից հետո ռուսները դուրս կգան Սլավյանսկի հյուսիս:

Ռայ-Ալեքսանդրովկա. Այստեղ հարձակումը, իհարկե, պետք է դիտարկել Լիմանի հարձակման ընդհանուր համատեքստում, որպես մեկ մեծ օպերացիայի բաղադրիչ: Ռայ-Ալեքսանդրովկան մեծ սփռվածության բնակավայր է, թեեւ այն դիրքերը, որոնց հասել են ռուսական ուժերը, կարելի է հարաբերականորեն համարել այդ բնակավայրի կենտրոնական գոտի: Բնակավայրի մնացած հատվածում ռուսները հարձակվելու են հիմնականում փոքր շինությունների գոտիներով, որոնց շուրջ խոշոր պաշտպանություն կազմակերպելը դժվար է: Իսկ ահա Կրիվայա Լուկայի ուղղությամբ առաջխաղացումն իր հերթին մեծապես կմպաստի նաեւ Ռայ-Ալեքսանդրովկայի հարձակմանը:

Հաջողության դեպքում ռուսները դուրս են գալիս Նիկոլաեւկա-Միլանովկա գիծ, ընդ որում, Սեւերսկի Դոնեցի հատվածում հաջողության դեպքում ռուսները կհայտնվեն  Նիկոլաեւկայի նաեւ հյուսիսում: Այս բնակավայրերը գրավելու դեպքում, ռուսները դուրս են գալիս Սլավյանսկ-Կրամատորսկ անգլոմերացիայի արեւելյան թեւ, եւ եթե նաեւ դուրս գան Սլավյանսկի հյուսիս, ապա անգլոմերացիայի շրջապատումը կսկսի դառնալ տեսանելի:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝