Պետք է փառք տալ Աստծուն, որ կա ռուսական շուկան. Տնտեսագետը ՌԴ-ի տնտեսական դիվանագիտության հրամայականի մասին

Եթե ռուսական ավանդական շուկան որևէ մեկին դուր չի գալիս, ապա պետք է ունենալ այլընտրանք։ Իսկ այլընտրանքը տքնաջան աշխատանքի արդյունք է։ Կարծում եմ՝ գործարարներն իրենք էլ են մտածում այլընտրանքի մասին, բայց փաստն այն է, որ հավաքական Արևմուտքը երազում է ռուսական շուկայի մասին, և այսօր էլ արևմտյան երկրները միջնորդավորված կերպով մուտք են գործում ռուսական շուկա։ Ռուսական շուկան ցանկացած գործարարի երազանքն է։ Աշխարհում այդպիսի ընդամենը երեք-չորս շուկա կարող ենք հաշվել, որոնք մեծ գնողունակություն ունեն»,- անդրադառնալով ՀՀ իշխանությունների ռուսական շուկայի հետ կապերը խզելու հնարավոր եւ անհնարին ջանքերին, նման դիտարկում է անում տնտեսագետ Թաթուլ Մանասերյանը.

- Հայաստանը, որպես ռուսական շուկայի այլընտրանք, կարող է դիտարկել արաբական աշխարհ, որը, աչքաթող է արվել անկախության տարիներից ի վեր։ Իհարկե, առանձին էպիզոդներ եղել են, առանձին պայմանագրեր են կնքվել, բայց հետևողականություն չի եղել։ Եղել են երկրներ, օրինակ՝ Իրաքը, որոնք Հայաստանից բառացիորեն ամեն ինչ խնդրել են՝ ինչ տաք, կսպառենք՝ հատկապես գյուղմթերք։ Բայց որքանո՞վ ենք մենք հետամուտ եղել։

Հայաստանի Հանրապետությունը, ցավոք սրտի, բոբիկ է, և կառավարությունը գաղափար չունի, թե ինչ է նշանակում տնտեսական դիվանագիտություն։ Մենք պարտավոր ենք նաև ՌԴ–ի ու ԵԱՏՄ–ի մյուս գործընկերների հետ ձևավորել եվրասիական բրենդներ ճիշտ այնպես, ինչպես կան Եվրամիության շրջանակներում ստեղծված բրենդներ, և դրանով ներկայանանք ամբողջ աշխարհին։ Դիվերսիֆիկացումն այս առումով պետք է դիտարկել որպես կապերի ամրացում և համաձայնեցված դիվերսիֆիկացում, այսինքն` շուկաների պարագայում ոչ թե պետք է դիտվի մեկը մյուսի փոխարեն, այլ յուրաքանչյուր շուկան պետք է իր տեղում լինիՀայ–ռուսական տնտեսական կապերը թթվածին են Հայաստանի համար, և եթե այդ հարաբերությունները չլինեն, հայտնի չէ` ինչ կարող է լինել։ ՀՀ տնտեսության առանձին ճյուղերի մրցունակության համատեսքում պետք է Աստծուն փառք տալ, որ կա ռուսական շուկան:

Որպեսզի մենք իրատես լինենք ու աստիճանաբար շարժվենք դեպի մրցունակության, պահանջարկի բավարարման ավելի բարձր մակարդակ, պետք է ճիշտ օգտագործենք ներկա ժամանակը` բարեբախտություն համարելով այն, որ մեր ապրանքներն ու ծառայությունները դեռ ունեն սպառման շուկա` ի դեմս Ռուսաստանի։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝