Վստահություն ու պրոֆեսիոնալիզմ, ներկայացուցչություն տարբեր ատյաններում, ՄԻԵԴ նախադեպային որշումներ․25-ամյա հեղինակավոր ընկերությունը Legal Expo-ում․ ՖՈՏՈՌԵՊՈՐՏԱԺ

Փաստաբանի ճիշտ ընտրությունը՝ առանց կասկածի, կարևորագույն որոշումներից մեկն է, որը կարող է ունենալ նշանակալի ազդեցություն Ձեր իրավական խնդիրների լուծման վրա։ Եթե Դուք ընտրում եք ոչ թե պատահական, այլ այնպիսի մասնագետ, ով ունենում է ճիշտ փորձ, գիտելիքներ ու մոտեցում, ապա Ձեր գործը կարող է ավելի հեշտ, արագ և արդյունավետ լուծվել։ Վստահությունն ու պրոֆեսիոնալիզմը այստեղ հիմնված են բոլոր մանրամասների վրա՝ սկսած փաստաբանի փորձից մինչև նրա մոտեցումը յուրաքանչյուր հարցի, ուստի նախքան փաստաբանի ընտրությունը պետք է լավ ուսումնասիրեք առկա տարբերակները։ Իսկ լավ փաստաբան ընտրելու համար անհրաժեշտ է դիմել ՀՀ-ում մեծ ճանաչում եւ տարիների փորձ ունեցող «Լեվ Գրուպ» փաստաբանական ընկերության պրոֆեսիոնալ իրավաբանական թիմին։ «Լեվ Գրուպն» ապահովում է ներկայացուցչություն տարբեր ատյաններում և պրոֆեսիոնալ խորհրդատվություն մի շարք ոլորտներում: 

Ապրիլի 25-26-ը  ՀՀ Գիտությունների ազգային ակադեմիայի շենքում, Փաստաբանների պալատի նախաձեռնությամբ, մեկ տասնյակի հասնող առաջատար փաստաբանական գրասենյակներ ներկայացնում են իրենց բրենդը, փորձն ու մասնագիտական ուղին։ Լավագույն և առավել ուշադրություն գրաված տաղավարներից մեկը, անկասկած, ԼԵՎ ԳՐՈՒՊ փաստաբանական գրասենյակինն էր։

«Իրավունքի» հարցին, թե ինչո՞ւ այստեղ ևս առանձնահատուկ տեղ ու դեր ունի ԼԵՎ ԳՐՈՒՊ-ը, ընկերության հիմնադիր, հայտնի փաստաբան, ՄԻԵԴ նախադեպային որոշումների հասած աղմկահարույց գործերով իրավապաշտպան ԼԵՎՈՆ ԲԱՂԴԱՍԱՐՅԱՆԸ նշեց, որ այդ հաջողության հեղինակային իրավունքը բացառապես պատկանում է ԼԵՎ ԳՐՈՒՊ-ի երիտասարդ թիմին։

Ինչևէ, մաղթենք, որ երիտասարդ այդ սերունդը ոչ միայն պահպանի գրասենյակի շուրջ 25 տարվա հեղինակությունն ու մասնագիտական ավանդույթները, այլև այն վերածի նոր հաղթանակների պատմության։
Ի վերջո, իրավունքը պարզապես մասնագիտություն չէ․ այն, ինչպես հաճախ ասում են ԼԵՎ ԳՐՈՒՊ փաստաբանական գրասենյակ-ում՝ գիտություն է բարու և արդարի մասին։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝